Xhudistja nga Zvicra ia sjell Kosovës medaljen e artë

Kosova ka fituar edhe medaljen e tretë të artë në GrandPrixin e Tashkentit në Uzbekistan. Këtë herë, atë ia solli Loriana Kuka në kategorinë deri 78 kilogramë.

Ajo arriti që të fitojë ndaj Beradette Grafit të Austrisë në finale për medaljen e katërt të Kosovës në këtë turne, përcjell albinfo.ch.

Para Kukës, dy ditë më herët, për Kosovën të artën e fituan Distria Krasniqi dhe Majlinda Kelmendi, teksa Nora Gjakova e fitoi të argjendtën.

Loriana Kuka është nga Zvicra, por ka vendosur të përfaqësojë Kosovën. Ajo është mbesa e trajnerit Driton Kuka.