Maqedonia

Zaev pajtohet për gjetjen e një kandidati të përbashkët për president

Kryeministri i Maqedonisë së Veriut, njëherësh kryetar i Lidhjes Social Demokrate, Zoran Zaev, tha se do të vazhdojë bisedimet me partnerët e koalicionit për gjetjen e një kandidati të përbashkët për zgjedhjet e ardhshme parlamentare, transmeton “REL”.

“Besoj se kjo është e mundshme. Nëse e bëjmë këtë, edhe njëherë e konfirmojmë idenë ‘një shoqëri për të gjithë’ dhe i dërgojmë mesazh të qartë qytetarëve se qëndrojmë prapa personit, për të cilin paraprakisht pajtohemi se do të ishte një president i shkëlqyeshëm i Maqedonisë së Veriut”, është shprehur Zaev pas takimit me kryetarin e Bashkimit Demokratik për Integrim, Ali Ahmeti, përcjell albinfo.ch.

Zaev tha se planifikon edhe takime tjera me partitë shqiptare që janë pjesë e koalicionit.

Zgjedhjet presidenciale në Maqedoninë e Veriut mbahen më 21 prill.