Lajme
Zbutja e masave në Itali shton frikën për rritje të infektimeve
Zbutja e kufizimeve të koronavirusit në Itali, nga e hëna, ka shtuar shqetësimet me ekspertët që parashikojnë një rritje të infektimeve gjatë javëve të ardhshme.
16 nga 20 rajonet italiane klasifikohen tani si zona të verdha, me rrezik të ulët, çka do të thotë që baret dhe restorantet mund të qëndrojnë të hapura deri në orën 18.00 dhe njerëzit mund të udhëtojnë më lirshëm brenda rajoneve të tyre.
Katër rajonet e mbetura, mes të cilave Umbria, Sicilia, Pulia dhe Sardenja, klasifikohen si zona portokalli, me më shumë rregulla, bashkë me provincën autonome të Bolzanos.
Ndalim qarkullimi nga ora 22.00 deri në 5 të mëngjesit mbetet në fuqi në të gjithë vendin ashtu si edhe ndalimi i udhëtimeve ndër rajonale me përjashtim të rasteve për punë dhe emergjenca, transmeton tch, përcjell Albinfo.ch.
Shkollat fillore dhe kopshtet në Itali u rihapën më herët në janar ndërsa nga e hëna 50 për qind e nxënësve të gjimnazit në të gjithë rajonet, përveç Sicilisë, u rikthyen në klasa.
Valter Ricciardi, një shkencëtar që këshillon ministrinë e shëndetësisë, tha se ndërsa izolimi si ai i pranverës së shkuar nuk është i nevojshëm, ai do të preferonte që i gjithë vendi të ishte nën kufizimet më të rrepta të zonës së kuqe. Ekspertët janë të shqetësuar pasi kanë parë imazhet e turmave të njerëzve në dyqane dhe qendra tregtare gjatë fundjavës.
Ricardi parashikon se zbutja e kufizimeve do të cojë në një rritje të infektimeve brenda dy apo tre javëve. Trendi i kësaj pandemie tani është i parashikueshëm – tha ai. është e rëndësishme të evitohen tubimet por unë shoh që sugjerimet e thjeshta nuk janë të mjaftueshme. Qeveria ka qenë nën presion për të zbutur kufizimet nga ana e bizneseve ndërsa mësuesit dhe nxënësit në Itali kanë protestuar kundër mësimit online.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?