Kriza në Ukrainë
Zelensky e quan të dështuar armëpushimin e Putinit
Presidenti ukrainas Volodymyr Zelensky e konsideron një dështim armëpushimin e njëanshëm të urdhëruar nga presidenti rus Vladimir Putin për festën e Krishtlindjeve Ortodokse.
“Bota mund të shihte edhe një herë se sa të rreme janë deklaratat nga Moska në çdo nivel”, tha Zelensky në një video-mesazh, pak para përfundimit të armëpushimit 36-orësh, siç u shpall nga Putini dhe u hodh poshtë edhe nga Perëndimi.
“Ata thanë diçka për një armëpushim të supozuar, por realiteti është se predhat ruse kanë goditur sërish Bakhmutin dhe pozicionet e tjera të Ukrainës”, tha Zelensky.
“Edhe një herë është konfirmuar se vetëm dëbimi i pushtuesve rusë nga toka ukrainase dhe eliminimi i të gjitha mundësive që Rusia të ushtrojë presion mbi Ukrainën dhe gjithë Evropën do të thotë rivendosje e një armëpushimi, sigurie dhe paqeje”, theksoi ai, transmeton dpa përcjell albinfo.ch.
Putin kishte urdhëruar në mënyrë të njëanshme një armëpushim 36-orësh të enjten, të caktuar për festën e Krishtlindjes që shumë të krishterë ortodoksë festojnë më 7 janar.
Kievi e refuzoi ofertën e armëpushimit duke e konsideruar atë si “hipokrizi”, “propagandë” dhe ”një dredhi taktike”.
Rusia tha se Ukraina bombardoi pozicionet e saj të vijës së parë, duke i detyruar trupat të kthenin zjarr pavarësisht armëpushimit, i cili zyrtarisht përfundoi dje në orën 21:00 GMT.
Autoritetet ukrainase thanë se granatimet ruse vranë dy civilë në qytetin e kontestuar ashpër të Bakhmutit, në rajonin lindor të Donetskut.
Luftimet të tjera pati edhe në Donetsk, Kherson dhe Zaporizhzhya, sipas Moskës.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Sa vlen Zvicra për UBS-në? Banka e madhe po bën aktin balancues midis UBS-së zvicerane me këmbë në tokë dhe UBS-së...
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor