Futboll
Zeneli: Chelsea ishte e interesuar për mua
Zeneli është momentalisht në fazën finale të riaftësimit
Arbër Zeneli ka zbuluar se lajmet se Chelsea e kërkonte në janar të këtij viti nuk ishin thjesht burim i mullirit të thashethemeve gjatë afatit kalimtar të dimrit, por diçka e mirëfilltë, edhe pse në fund anësori kosovar iu bashkua Stade de Reims në Ligë 1.
Zeneli, i cili është momentalisht në fazën finale të riaftësimit, gjashtë muaj pas lëndimit të tmerrshëm në gju, shpreson se gjiganti nga Premierliga do të rikthehet një ditë për ta kërkuar përsëri, raporton Gazeta Express.
Para se 25-vjeçari të nënshkruante për Reims në Ligë 1 të Francës, qarkulluan lajme në mediat britanike, veçanërisht në Sky Sports, se Chelsea po mendonte për kosovarin.
“Po, fola me menaxherin tim dhe Chelsea ishte shumë e interesuar në mua, ishte gjë konkrete. Ama duhet përshtatur koha dhe gjëra të tilla. Chelsea është klub jashtëzakonisht i madh dhe sikur të më kishte kërkuar 100%, atëherë nuk do ta refuzoja. Në fund, iu bashkova Reimsit. Nëse ëndërroj shumë, atëherë shpresoj se Chelsea do të më kërkoj përsëri nëse luaj mirë në Reims. Shpresoj se klube të tilla interesohen për mua pasi të kthehem nga lëndimi”, ka thënë Zeneli të dielën për mediat suedeze.
Kosovari s’e sheh Reimsin si klubin e fundit në karrierën e tij. Në klubin nga Ligë 1, ai dëshiron ta dëshmojë veten para se ta marrë një hap më të madh në karrierë, përcjell Albinfo.ch.
“Po, natyrisht. Kalimi nga Heerenveen në njërin prej klubeve më të mëdha në Evropë do të ishte hap shumë i madh. Je i mësuar të luash 90 në çdo ndeshje e pastaj mund të mos luash fare. Mendoj se nëse ka diçka nga klubet e mëdha, atëherë duhet të kemi një plan. Menaxheri nuk më ka thënë shumë përveç se ka qenë konkrete, prandaj unë e zgjodha kartën e sigurt (kalimin në Reims)”, shtoi ai
Të ngjashme
Të tjera nga Futboll
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën