Zhduket delja e politikanit zviceran, policia e gjen në frigorifer

Një kërkim i pazakonshëm ka ndodhur në një qendër strehimi të azilantëve në Kantonin e Aargaut: Policia ka zbuluar një dele të therur pa lesh në frigorifer

Për shkak të prishjes së rendit dhe qetësisë publike, policia rajonale e Lenzburgut është dashur të intervenojë të hënën, në qendrën e strehimit në Holderbank. Aty banojnë refugjatët që kërkojnë azil. Pas arritjes së policisë, gjithçka ishte qetësuar – por policia bëri një tjetër zbulim. Siç shkruan “Aargauer Zeitung”, në frigorifer është gjetur një dele e therur pa lesh, njofton Albinfo.ch.

Kafsha e therur ka qenë e një kopeje delesh, pronar i së cilës, ironikisht, është kryetari i Shoqatës së fermerëve të Kantonit Aargau, Alois Huber. Politikani i SVP ka deklaruar: “Në mëngjesin e hershëm kam marrë një telefonatë dhe më pyetën nëse njëra nga delet e mia ishte zhdukur”. Delja e zhdukur u identifikua shumë shpejt nga numri. “Njëra nga më të veçantat”, thekson Huber. Kafsha ishte tetëmuajshe dhe kishte një vlerë prej rreth 250-300 franga, transmeton albinfo.ch.

Dy azilkërkues të refuzuar nga Pakistani (31) dhe Burma (33) dyshohen se kanë vjedhur dhe kanë therë kafshën. Sipas Roland Pfister, zëdhënës i Policisë Kantonale të Aargaut, pakistanezi u arrestuan për shkak të sjelljes së tij të ashpër.

---