Kuriozitete
Zonat më të rrezikuara nga tërmetet
Koincidencë apo jo, në vitin 2016, pas reshjeve të shumta të shiut dhe vërshimeve në Hasanbeg, u paraqitën një seri tërmetesh në Maqedoni.
Por sa është e mundur që lëkundjet e tashme të tokës të jenë nxitur nga reshjet jo të pakta të shiut ditëve të fundit?!
Nga Instituti Sizmologjik në Shkup thonë se pavarësisht tentimeve të shkencëtarëve për të ndërlidhur shirat dhe vërshimet me tërmetet, një gjë e tillë ende nuk është vërtetuar.
Sipas tyre, shkenca ende nuk ka arritur që saktë të parashikojë paraqitjen e tërmeteve, përcjell albinfo.ch.
“Vazhdimisht bëhen hulumtime që të shihet lidhshmëria apo nëse ka lidhshmëri mes reshjeve të shiut apo vërshimeve me tërmetet. Deri në këtë moment shkenca nuk e ka thënë fjalën e fundit, megjithatë, ajo që mund të thuhet është se shkencëtarë të ndryshëm dhe institute të ndryshme tentojnë të hulumtojnë se a ka lidhshmëri mes këtyre dy dukurive”, deklaroi Radmilla Shaliq, udhëheqëse e sektorit për rrezik dhe menaxhim me katastrofat.
Megjithatë, sipas Sektorit për rrezik dhe menaxhim me katastrofa pranë Institutit Sizmologjik, territori i Maqedonisë së Veriut ka pesë zona me rrezikshmëri më të lartë për paraqitjen e tërmeteve.
Sipas hulumtimeve të fundit ndërkombëtare, zona e Shkupit, Dibrës, Ohrit, Pehçevës dhe Vallandovës janë zonat me rrezikshmëri permanente për paraqitjen e tërmeteve.
“Duhet të gjithë të tregojmë se Maqedonia gjendet në pjesën jugore të Evropës e cila karakterizohet me rrezikshmëri më të lartë nga tërmetet, apo thënë ndryshe ka rrezikshmëri më të lartë për paraqitjen e tërmeteve për dallim nga pjesë tjetër e kontinentit. Tërmetet janë dukuri natyrore, ne nuk mund ta parandalojmë shfaqjen e tyre por mund të mësohemi se si të jetojmë me ta”, shtoi Radmilla Shaliq, udhëheqëse e sektorit për rrezik dhe menaxhim me katastrofat.
Nga Instituti Sizmologjik thonë se në pamundësi për të parashikuar tërmetet, analizat bazohen në tërmetet që kanë ndodhur në të kaluarën.
Hartat e përpiluara janë bërë në suaza të procedurës për ndërtim, me qëllim që të merren masat preventive për të zvogëluar pasojat e lëkundjeve të mundshme të tokës.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Qindra studentë protestuan para Universitetit të Lozanës Disa qindra njerëz u dyndën në kampusin e Universitetit të Lozanës të shtunën për të mbështetur...
-
Fëmijët të mbahen larg celularëve
-
Sot zviceranët votojnë për ligjin e ri të biçikletave dhe kredinë për shkollën profesionale
-
Rritje 293 për qind e studentëve të huaj në Universitetin e Cyrihut
-
Nëntë kilometra bllokim trafiku përpara tunelit Gotthard