Zubin Potok: Gjendet armatim, granata dore e paisje ushtarake

Foto sc FB: Xhelal Svecla

Në dy lokacione në komunën e Zubin Potokut është gjendur armatim, granata dore dhe pajisje të tjera ushtarake.

Lajmin e ka konfirmuar Ministri i Punëve të Brendshme në Kosovë, Xhelal Sveçla, i cili ka deklaruar se beteja kundër çdo celule terroriste nuk ndalet, transmeton albinfo.ch.

Ai ka deklaruar se në këto lokacione janë sekuestruar armatim, granata dore dhe pajisje të tjera ushtarake, ndërsa ka theksuar se kontrolli po vazhdon “cep më cep” dhe “pëllëmbë për pëllëmbë”.

“Nuk do të ndalemi deri në çrrënjosjen totale të secilit element kriminal”, ka shkruar ai.