Lajme

Zvicër: 2480 raste të reja dhe 40 të vdekur për tri ditë

Mesatarja 7 ditore është 1135 ose 22 për qind më pak se në javën e kaluar. Trendi aktualisht është në rënie

Zyra Federale e Shëndetit Publik (BAG) ka raportuar sot 2480 raste të reja që kanë rezultuar pozitive për koronavirusin në tri ditët e fundit, nga e premtja deri të hënën.

Mesatarja 7 ditore është 1135 ose 22 për qind më pak se në javën e kaluar. Trendi aktualisht është në rënie.

Shkalla mesatare pozitive 7 ditore aktualisht është 5.0 për qind. Krahasuar me javën e kaluar, norma pozitive është ulur me 1 pikë përqindjeje. Numri i testimeve në mesataren 7-ditore është 27,718 në ditë dhe kështu është rritur për 4 për qind krahasuar me javën e mëparshme.

BAG raporton 40 raste të reja të vdekjeve nga korona. Mesatarja 7 ditore është 13 të vdekur në ditë që është 44 për qind më pak se në javën e kaluar.

Aktualisht BAG raporton 1,055 persona që po trajtohen në spitale për Covid-19. Kjo është 15 përqind më pak se në javën e kaluar.

Shtretërit e certifikuar të kujdesit intensiv në spitalet zvicerane aktualisht po shfrytëzohen në masën prej 77.0 për qind. Ndërsa nëse përfshihen këtu edhe shtretërit ad hoc, zënia e tyre është në masën 68.0 për qind.


LAJME INTERESANTE NGA INTERNETI