Lajme
Zvicër: Hapet rruga për të drejtën e votës nga mosha 16-vjeçare
Bartësja e iniciativës, deputetja Sibel Arslan i ka kërkuar dhomës parlamentare të përdorte mundësinë për të “shkruar historinë zvicerane”. Rezultati i votimit u pranua me duartrokitje në sallë
Dhoma Nacionale e Parlamentit të Zvicrës me 98 vota pro, 85 kundër dhe dy abstenime, ka mbështetur iniciativën parlamentare të deputetes Sibel Arslan (Të Gjelbrit / BS) për të drejtën e votës të të rinjve nga mosha 16-vjeçare, shkruan srf.ch.
Përveç të Gjelbërve, Partisë Socialdemokrate dhe GLP-së edhe një numër anëtarësh të grupeve parlamentare të FDP dhe të partive të qendrës kanë votuar gjithashtu pro, transmeton albinfo.ch.
Bartësja e iniciativës, deputetja Sibel Arslan i ka kërkuar dhomës parlamentare të përdorte mundësinë për të “shkruar historinë zvicerane”. Rezultati i votimit u pranua me duartrokitje në sallë.
Arslan, e cila është deputetja e parë me prejardhje kurde nga Turqia në këtë parlament, duke argumentuar nismën e saj, veç tjerash ka paralajmëruar se numri i votuesve të moshës mbi 50 vjeçare po rritet. Për më tepër të rinjtë 16 dhe 17 vjeçarë janë shumë të interesuar për politikë dhe kanë arsimimin politik të nevojshëm për të votuar.
Nisma e politikanes së gjelbër u mbështet gjithashtu nga një pakicë e fuqishme në Komisionin Politik Shtetëror (SPK). Por megjithatë, komisioni, me presidentin e tij Andreas Glarner (SVP) ka votuar kundër saj.
Shumica në SPK mendojnë se nuk do të kishte kuptim që disave prej votuesve (atyre 16 deri 18 vjeçarë) tu jepet vetëm e drejta aktive e votës, përcjell albinfo.ch. Në një rast të tillë, në moshën 16 vjeçare mund të votoni për iniciativa dhe referendume, por nuk mundeni t’i nënshkruani ato, (duke mos qenë ende në moshën madhore) ka thënë Andri Silberschmidt (FDP), anëtari më i ri i Dhomës Nacionale.
Sipas shumicës së SPK, kushdo që është në moshë madhore dhe mund të zgjidhet, duhet të lejohet të votojë.
Ideja po diskutohet në shumë kantone
Më tutje, SPK i Dhomës së Kantoneve do të vendosë për nismën. Nëse ky komision thotë jo, atëherë senati duhet të marrë vendimin përpara se të hartohet projektligji përkatës.
Aktualisht, të rinjtë e moshës 16 vjeç e lart lejohen të votojnë vetëm në kantonin e Glarusit. Por, të drejtën që të zgjidhen (të kandidojnë) edhe ata kanë vetëm nga mosha 18 vjeçare, transmeton albinfo.ch. Në Neuchâtel, mosha 16 vjeçare e votimit është refuzuar qartë në shkurtin e kaluar. Diskutimet mbi këtë temë vazhdojnë edhe në kantone të tjera, si Berna, Lucerni, Cyrih dhe Zugu.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën