Lajme
Zvicër: Lansohet kampanja për mbrojtjen e të moshuarve
Qëllimi kryesor i kampanjës që u lansua të hënën është mbrojtja e të moshuarve dhe inkurajimi i viktimave për të kërkuar ndihmë. Çdo vit në Zvicër, më shumë se 300,000 persona mbi moshën 60 vjeç janë viktima të abuzimit në forma të ndryshme, duke nisur nga dhuna fizike dhe psikologjike, abuzimi financiar dhe neglizhenca, shkruan RTS, përcjell albinfo.ch.
Abuzimi vjen kryesisht nga kujdestarët ose anëtarët e familjes. Sipas një studimi, tema mbetet tabu dhe pak nga të moshuarit e interesuar përdorin burimet që ekzistojnë për t’i ndihmuar ata. “Ekziston frika nga pasojat dhe humbja e kontrollit mbi sekuencën e ngjarjeve, si dhe një turp i situatës së përjetuar”, shpjegoi Delphine Roulet Schwab, një nga autoret e studimit për RTS, përcjell albinfo.ch.
Për të shmangur këtë heshtje, burimet e ndihmës duhet të bëhen të njohura dhe ata që janë afër të moshuarve duhet të informohen për përkufizimin e abuzimit me të moshuarit. Ky është edhe objektivi i fushatës së kryer nga shërbimi ndërkantonal zviceran për parandalimin e krimit, policia kantonale dhe komunale, si dhe organizata të ndryshme mbështetëse për të moshuarit. “Kjo ndihmon për të dhënë shikueshmëri dhe për të dërguar mesazhin se nuk është kurrë vonë për të kërkuar ndihmë. Edhe nëse situata ka vazhduar për një kohë shumë të gjatë, ka zgjidhje”, thotë Delphine Roulet Schwab, raporton RTS, përcjell albinfo.ch.
Konkretisht, kjo fushatë do të bëhet përmes posterave, videove në rrjetet sociale dhe fletëpalosjeve të formatit të madh të shpërndara, për shembull, përmes farmacive dhe mjekëve të familjes.
E-Diaspora
-
Blick: Shaqiri dëshmon sërish pse Zvicra nuk mundet pa të Gazeta zvicerane shkruan se nëse ka pasur dyshime që Përfaqësuesja e Zvicrës në futboll nuk bën...
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
Jeta në Zvicër
-
FMN: Zvicra duhet të forcojë kontrollin e sektorit të saj financiar Zvicrës i duhen “reforma të forta të sektorit financiar” pas shpëtimit të Credit Suisse nga UBS...
-
Numri i zviceranëve në mbarë botën u rrit me 1.7% në vitin 2023
-
Shtohet edhe një milioner në Zvicër: Fiton Jackpot-in 2.6 milionë franga
-
Zvicër: Marsi ishte për 2 gradë më i nxehtë
-
Pritet shumë trafik gjatë fundjavës së Pashkëve