Tematike
Zvicër: Pas rritjes së çmimeve, sindikatat kërkojnë të rriten edhe pagat
Një familje me dy fëmijë mund të humbas fuqinë blerëse deri në 3000 franga në vit. Prandaj duhen urgjentisht të merren kundërmasa – veçanërisht për pagat
Për shkak të luftës në Ukrainë, çmimet në Zvicër po rriten. Kjo ka ndodhur tashmë me çmimet e karburantve por edhe ato të artikujve ushqimorë si buka dhe produktet e qumështit, shkruan srf.ch. Nisur nga kjo, Konfederata e Sindikatave Zvicerane po kërkon që të rriten edhe pagat.
Inflacioni prej më shumë se dy për qind është po aq shqetësues për sindikatat sa edhe rritja e theksuar që pritet, e primeve të sigurimit shëndetësor, transmeton albinfo.ch. Dhe kjo do të ketë një ndikim shumë të drejtpërdrejtë te shumë punëtorë, druan Daniel Lampart, kryeekonomist në Konfederatën Zvicerane të Sindikatave.
Një familje me dy fëmijë kërcënohet me humbje të fuqisë blerëse deri në 3000 franga në vit. Prandaj Lampart thotë se duhen urgjentisht të merren kundërmasa – veçanërisht kur bëhet fjalë për pagat: “Tani të gjithë kanë nevojë për një rregullim të kostos së jetesës. Ndryshe kemi më pak para në dispozicion. Një arsye shtesë për rritje pagash është ajo se ekonomia po ecën mirë. Situata e biznesit pothuajse në të gjithë sektorët është e mirë deri në shumë e mirë. Dhe kjo do të thotë se tani kemi edhe rritje reale”.
Ekziston nevoja që njerëzit me paga të ulëta të kapin hapin
Kjo është edhe më urgjente, argumenton sindikalisti, sepse punëtorët me të ardhura të ulëta apo të mesme kanë marrë rritje fare modeste pagash vitet e fundit.
Një rritje e përgjithshme e pagave reale për të gjithë? Këtu vjen rezistenca nga ana e punëdhënësve, përcjell albinfo.ch. Simon Wey, kryeekonomist në Shoqatën e Punëdhënësve Zviceranë, thotë: “Nuk do të ketë këtë liri veprimi në të gjithë sektorët dhe kompanitë.”
Ai përmend kompanitë ndërkombëtare aktive si shembull. “Ka presion konkurrues dhe kompanitë nuk mund të rrisin aq thjesht çmimet”.
Sipas Wey, kjo do të thotë se mund të mos jemi më konkurrues. “Dhe atëherë kompanitë do të duhet të shohin në operacionet e tyre se si mund të reduktojnë kostot”.
Pritet një “vjeshtë e nxehtë” sa u përket pagave
Kjo pastaj mund të nënkuptojë se mund të shkurtohen dhe automatizohen vendet e punës, gjë që nuk është në interes të punonjësve, , ka shtuar përfaqësuesi i punëdhënësve, përcjell albinfo.ch. Shoqata e punëdhënësve mund të marrë me mend se ka vend për rritje pagash, për shembull, në sektorin farmaceutik ose financiar. Në sektorë të tjerë do të jetë e vështirë.
Të ngjashme
Të tjera nga Tematike
E-Diaspora
-
Koncert në Cyrih nga dy artiste shqiptare, Agona Shporta dhe Tringa Sadiku Në Cyrih do të mbahet një koncert më 02.05.2024 duke filluar nga ora 21:10, në adresen...
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe
-
8 filma nga Kosova dhe Shqipëria do të prezantohen në Festivalin e Filmit “goEast” 2024
-
Partneritet mes studentëve të Universitetit të Lucernit dhe atyre nga Maqedonia
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët