Lajme
Zvicër: Procedurat “24-orëshe” të azilit zgjasin mesatarisht 12 ditë
Qëllimi është më tepër që të ketë një efekt parandalues ndaj njerëzve që nuk varen nga mbrojtja e Zvicrës
Prej kësaj jave në të gjithë Zvicrën janë në fuqi procedurat 24-orëshe për azilkërkuesit nga Algjeria, Maroku dhe Tunizia. Por në fakt procedurat po zgjasin dukshëm më shumë se 24 orë.
Kjo po shkakton edhe kritika nga OJQ-të: “Beat Jans (ministri i resorit përkatës) shiti procedurën 24 orëshe si një kurë mrekullie. Ishte gjithmonë e qartë se procedurat nuk mund të përfundonin brenda 24 orëve. Kjo ka të bëjë vetëm me parandalimin”, thotë Alicia Giraudel nga Amnesty International.
Prandaj premtimi i Jansit nuk mund të mbahet për arsye të ndryshme, transmeton albinfo.ch.
Sekretariati Shtetëror për Migracionin (SEM) i përgjigjet gazetës “NZZ am Sonntag” se në fazën pilot në Cyrih, procedurat vendoseshin mesatarisht në dymbëdhjetë ditë. Kjo është dukshëm më e shpejtë se procedurat në rajonet e tjera të azilit, të cilat zgjasin mesatarisht rreth 50 ditë, por shumë më gjatë se sa do të sugjeronte emërtimi “24 orë”.
SEM shkruan se shpallja e vendimeve për azil “në thelb nuk mund të bëhet brenda 24 orëve të para për shkak të dispozitave ligjore në fuqi”. Përveç kësaj, duhet pritur për përgjigjen nga shtetet e tjera brenda kornizës së Dublinit. Dhe veç kësaj, vendimet e azilit mund të apelohen.
Sipas SEM, procedurat 24-orëshe nuk kanë të bëjnë kryesisht me atë se sa zgjasin në të vërtetë procedurat e azilit. Qëllimi është më tepër që të ketë një efekt parandalues ndaj njerëzve që nuk varen nga mbrojtja e Zvicrës.
Të tjera nga Lajme
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)