Zviceranët preferojnë të jetojnë në fshat, por afër një qyteti

@pixabay

Shumica e njerëzve në Zvicër duan të jetojnë në fshat, por në afërsi të qendrave urbane, tregon një sondazh i ri nga platforma konsumatore Comparis, përcjell albinfo.ch.

Shumica e pjesëmarrësve të anketës thanë se një vend ideal për të jetuar do të ishte më pak se 20 minuta larg një qyteti me transport publik ose me makinë.

Kjo është veçanërisht e vërtetë për të anketuarit me të ardhura më të ulëta, të cilët përmendën normat më të ulëta të taksave në zonat rurale si arsyen kryesore që ata preferojnë të qëndrojnë larg zonave urbane më të kushtueshme.

Për ata që fitojnë shumë, megjithatë, “barra tatimore është më pak vendimtare” në zgjedhjen e vendndodhjes, sipas Michael Kuhn, ekspert parash në Comparis.