Zvicra dhe Kosova “një çift i pabarabartë vëllezërish”

Artistët, jeta e të cilëve është e shënuar nga lufta, dhuna dhe pasiguria, punojnë bashkë me krijues arti nga Zvicra e pasur dhe e sigurt. Çfarë mund të dalë nga e gjithë kjo?

“Kosovo ist überall” (Kosova është kudo) – një grup i përbërë nga autorë dhe muzikantë kosovarë, serbë dhe zviceranë ka bërë një turne nëpër Kosovë. Artistët, jeta e të cilëve është e shënuar nga lufta, dhuna dhe pasiguria, punojnë bashkë me krijues arti nga Zvicra e pasur dhe e sigurt. Çfarë mund të dalë nga e gjithë kjo? Emisioni i radios SRF “Kontext” ka përcjellë punën e kolektivit në fjalë.

Zvicra dhe Kosova, një çift i pabarabartë vëllezërish

Zvicra është në të njëjtën kohë shumë afër dhe shumë larg nga Kosova. Shumë kosovarë e kuptojnë dialektin zviceran të gjermanishtes (schweizerdeutsch), pasi që kanë qenë refugjatë te ne. Shumë zviceranüë gjenden në Kosovë si “ndërkombëtarë”. Dhe hoteli “Swiss Diamond” në Prishtinë është aq i shtrenjtë sa që asnjë kosovar normal nuk mund ta përballojë.

Gjuhët ndajnë – Gjuhët lidhin

“Të gjitha gjuhët janë të barasvlershme”, thotë grupi “Spokenword” “Bern ist überall”. Por me këtë nuk do të pajtohej asnjë nacionalist serb ose shqiptar në Kosovë. Autorët e “Kosovo ist überall” kanë sjellë në skenë në formë loje këto kundërshti.

Pasi që pjesëtarët e Spoken-Word-Gruppe “Bern ist überall” janë një grup artistësh që merren në mënyrë intensive me fjalët, me gjuhën e folur (dialektin zviceran kryesisht) në të gjitha variantet dhe ngjyrimet e saj, ata kanë dashur që këtë prirje të tyre ta pasurojnë edhe me gjuhët e huaja. Për ta bërë këtë, thotë anëtari tjetër, Guy Krneta u është dukur se askund më mirë nuk “ndez” se në Kosovë, transmeton albinfo.ch

Me art politik për të kapërcyer politikën

Qendra “Multimedia” e drejtuar nga dramaturgu Jeton Neziraj bën art politik, por vetëm me qëllimin për të kapërcyer politikën.

Emisioni jepet të mërkurën, më 6 dhjetor, nga ora 09.02. në Radio SRF2, Kultur