Zvicra u përgjigjet kritikave të Bashkimit Evropian

Në komentet e saj të fundit në lidhje me mundësinë e pushtimit rus të Ukrainës, deputetja e BE-së, Nathalie Loiseau, tha se Evropa nuk mund ta injorojë krizën e afërt “si një Zvicër e madhe dhe e butë”, përcjell albinfo.ch.

Me fjalën “e butë”, Loiseau donte të nënkuptonte se Zvicra është pa kurriz në konfliktet ndërkombëtare.

Përgjigjja e Bernës ndaj komentit të saj ishte e shpejtë.

“Për dekada, ne kemi punuar për paqen dhe sigurinë në Evropë dhe në botë”, ka shkruar Ambasada zvicerane në Francë në Twitter, duke shtuar se vendi ka vepruar gjithmonë “me vendosmëri” përkrah BE-së.