Zvicra jep 8 miliardë franga për blerjen e aeroplanëve luftarakë

Ende nuk dihet se sa aeroplanë luftarakë do të mund të blihen me shumën e përmendur të parave

Këshilli Federal i Zvicrës planifikon blerjen e aeroplanëve të rinj luftarakë dhe raketave tokë-ajër, që së bashku do të kushtojnë tetë miliardë franga. Njëherë për njëherë nuk është vendosur nëse për këtë “pazar” kaq të madh do të kërkohet të japë pëlqimin populli përmes votimit në referendum, njofton sda.ch.

Ministria e Mbrojtjes aktualisht është duke bërë shqyrtimin e varianteve të ndryshme.

Për të qenë në gjendje për të blerë aeroplanët e përmendur dhe për investime të tjera Këshilli Federal ka vendosur në mbledhjen e tij të mbajtur të mërkurën, të rrisë buxhetin e armatës nga 1.4 për qind për çdo vit.

Ende nuk dihet se sa aeroplanë luftarakë do të mund të blihen me shumën e përmendur të parave, transmeton albinfo.ch. Por, sipas një raporti të bërë nga ekspertët, raport në të cilin mbështetet edhe qeveria, bëhet fjalë për opsionin e blerjes së 40 fluturakeve ushtarake dhe një sistemi për mbrojtje ajrore. Raporti i ekspertëve konsideronte se për të gjitha këto, nevojiteshiun 9 miliardë franga.