Lajme
Zvicra ka sistemin universitar më të mirë në botë, vlerësojnë britanikët
32 drejtime studimi në universitetet zvicerane janë ndër 10 më të mirat në botë në kategorinë e tyre, vlerëson kompania britanike e analizave "QS"
Kompania britanike e analizave “QS” del në përfundimin se Zvicra ka sistemin universitar më të mirë në botë.
32 drejtime studimi në universitetet zvicerane janë ndër 10 më të mirat në botë në kategorinë e tyre, transmeton albinfo.ch. Kjo është 15 përqind e të gjitha programeve universitare zvicerane dhe kështu Zvicra në këtë drejtim ka përqindjen më të lartë në mbarë botën.
Universitetet në Zvicër janë gjithashtu më të mirët në botë në 4 drejtime studimi, shkruan sda.ch. Kështu universiteti i njohur politeknik ETH Cyrih, për shembull, ka kurset më të mira në shkencat e tokës dhe detit, fizikës dhe gjeologjisë.
Ai renditet i treti në botë, së bashku me universitetet e Oksfordit dhe Kembrixhit në Britaninë e Madhe. Vetëm Instituti i Teknologjisë i Massachusetts (MIT) dhe Universiteti i Harvardit kanë më shumë vende të para sesa ETH i Cyrihut.
Edhe Univesriteti Teknik i Lozanës (EPFL) është gjithashtu në dhjetëshen e parë në gjashtë drejtime studimi, transmeton albinfo.ch. Këto përfshinin dy disiplinat e reja të shtuara të shkencës së të dhënave (vendi i 9-të) dhe inxhinierisë civile (vendi i 10-të).
Shkolla e menaxhimit të hoteleve në Lozanënë është një lider në industrinë e turizmit. Sipas renditjes, Zvicra është një bastion për shkollat e menaxhimit të hoteleve – ajo është selia e shtatë nga dhjetë shkollat më të mira në botë.
Renditja përfshin pothuajse 16,000 drejtime studimi nga pothuajse 1,600 universitete në mbarë botën.
E-Diaspora
-
Gjuha shqipe forcon integrimin Në kontekstin e diasporës shqiptare në Zvicër dhe më gjerë, gjuha shqipe ka një rëndësi në...
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
-
Filmi “The Land within”, lufta në Kosovë, e vështruar nga një kënd tjetër
-
Robin Krasniqi fiton me pikë ndaj portugezit Jorge Silva
Jeta në Zvicër
-
Neuchâtel: Një algjerian 29-vjeçar u gjet i vdekur në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut