Lajme

Zvicra kryeson listën e vendeve më të shtrenjta për darkë në Evropë

Zvicra, vendi më i shtrenjtë në Evropë për të ngrënë jashtë

E premte, 30 Janar 2026 - 11:56 albinfo.ch

Një studim i fundit mbi çmimet e restoranteve në Evropë ka konfirmuar atë që shumë turistë e dinë tashmë, Zvicra është vendi më i shtrenjtë në kontinent për të ngrënë jashtë, shkruan albinfo.ch.

Sipas analizës së portalit të udhëtimeve Ferrygogo, një darkë tre-kursesh për dy persona kushton mesatarisht rreth 113 euro, duke e vendosur vendin alpin në krye të renditjes evropiane.

Mesatarja evropiane për një vakt të tillë është rreth 56 euro, çka do të thotë se darka në Zvicër është më shumë se dyfish më e shtrenjtë.

Qytetet më të kushtueshme

Diferenca bëhet edhe më e dukshme në nivel qytetesh. Cyrihu dhe Gjeneva janë renditur ndër destinacionet më të shtrenjta në Evropë për restorante, me një kosto mesatare prej rreth 123 euro për dy persona për një menu tre-kursesh.

Në Lugano, një darkë tre-kursesh për dy kushton mesatarisht rreth 135 franga dhe mund të arrijë deri në 181.

• Në Zug, çmimi mund të shkojë deri në rreth 226 franga për dy persona në restorante më të mira.

• Numbeo jep një mesatare rreth 150 CHF për dy në Lugano.

Sa kushton realisht një darkë?

Të dhënat nga platforma Numbeo tregojnë se një vakt tre-kursesh për dy persona në një restorant mesatar në Zvicër kushton mbi 100 franga zvicerane.

Edhe statistika të tjera e konfirmojnë trendin:

• Një meny për dy në një restorant të kategorisë mesatare arrin mesatarisht 123 euro, me raste që mund të shkojnë deri në 189 euro.

• Çmimi tipik për një darkë më cilësore për dy llogaritet rreth 111 CHF.

Ndërkohë, një vakt i thjeshtë për një person kushton rreth 25 franga, duke reflektuar nivelin e lartë të kostos së jetesës në vend.

Pse është kaq e shtrenjtë?

Ekspertët e lidhin këtë me standardin e lartë të jetesës, pagat më të larta dhe kostot e përgjithshme të shërbimeve, etj.

Ndërkohë msatarja evropiane për një vakt të tillë është rreth 56 euro, çka do të thotë se darka në Zvicër është më shumë se dyfish më e shtrenjtë. /Albinfo.ch