Zvicra mund ta vendosë Spanjën në listën e vendeve në rrezik

Për shkak të numrit në rritje të infeksioneve të reja me Covid-19 në Spanjë, politikanët zviceranë po u kërkojnë autoriteteve shëndetësore të karantinohen njerëzit që vijnë nga ky vend

Numri mesatar i rasteve me koronavirus në Spanjë ka tejkaluar 1.900 në ditë gjatë 10 ditëve të fundit – një shifër e cila është dyfishuar më shumë se në dy javë.

Dhe me 3,092 raste të reja të raportuara më 31 korrik, Spanja tani është ndër pikat e nxehta të koronavirusit të Evropës.

Për politikanët e Zvicrës, kjo është një shenjë që Spanja tani duhet të përfshihet në listën e 42 kombeve ‘me rrezik të lartë’ dhe njerëzit që vijnë nga atje duhet t’i nënshtrohen kërkesës së karantinës 10-ditore.

“Është e qartë se Spanja duhet të shtohet në listë dhe ajo duhet të bëhet shpejt,” tha Ruth Humbel, presidenti i Komisionit për Sigurinë Sociale dhe Shëndetin, në një intervistë për 20 Minuten.

“Do të ishte e pakuptueshme nëse autoritetet shëndetësore nuk e shtonin Spanjën në listë tani”, tha Erich Ettlin nga Partia Demokratike e Krishterë, përcjell albinfo.ch.

Ai shtoi se karantina duhet të vlejë edhe për njerëzit që janë tashmë në Spanjë dhe së shpejti do të kthehen në Zvicër. “Kushdo që shkon me pushime jashtë vendit në situatën e tanishme duhet të jetë i vetëdijshëm se ata po rrezikojnë,” tha Ettlin.

Jonas Montani, një zëdhënës i Zyrës Federale të Shëndetit Publik (FOPH) tha se lista e vendeve me rrezik të lartë azhurnohet çdo muaj, “por ai mund të rregullohet më herët nëse situata në një komb të caktuar përkeqësohet me shpejtësi”.

Ende nuk është vendosur kur Spanja do të shtohet në listë dhe nëse do të përfshihet i gjithë vendi apo thjesht rajonet më të ndikuara nga pandemia, përcjell tutje albinfo.ch.

Zvicra ka mandatuar karantinën 10-ditore nga 6 korriku për 42 vende që kanë më shumë se 60 infeksione në 100,000 njerëz.

Spanja tani ka arritur këtë numër.

Vendosja e Spanjës në listën e karantinës do të ndikonte në një numër të madh të njerëzve, pasi është një destinacion popullor pushimesh për familjet zvicerane. Gjithashtu, shumë qytetarë spanjollë jetojnë në Zvicër dhe udhëtojnë shpesh midis dy vendeve.

---