Shkurt.ch
Zvicra ndalon hyrjen e 78 xhihadistëve
Qeveria federale zvicerane, vitin e kaluar ka lëshuar 78 ndalesa hyrëse kundër islamistëve të huaj – më shumë se kurrë më parë, shkruajnë mediat zvicerane, përcjell Albinfo.ch. Këta persona e rrezikojnë sigurinë e brendshme apo të jashtme të Zvicrës.
Zvicra po rrit përpjekjet në luftën kundër terrorizmit. Vitin e kaluar, Zyra Federale e Policisë (Fedpol) imponoi 78 ndalesa hyrjeje mbi xhihadistët e huaj – më shumë se kurrë më parë. Sa për krahasim, në vitin 2017, 58 Islamistëve iu është shqiptuar ndalesa e hyrjes, në vitin 2016 vetëm 39, informon më tej Albinfo.ch.
Se kush është prekur nga masat dhe pse, Fedpol nuk prononcohet. Zëdhënësja Lulzana Musliu, vetëm deklaron: “Ndalimi i hyrjes mund të lëshohet kundër atyre që rrezikojnë sigurinë e brendshme apo të jashtme të Zvicrës”. Parasysh vijnë ato organizata terroriste që i janë bashkuar asaj të Shtetit Islamik (IS) dhe predikues islamik të urrejtjes.
Numri i xhihadistëve nga Zvicra, të cilët ishin në zonat e luftës të tilla si Siria, apo ende janë atje, është stabilizuar tani në 93 raste, sipas Shërbimit Informativ Federal (FIS), informon Albinfo.ch. Tridhjetë e një prej tyre mban një pasaportë zvicerane, gjë që e bën të pamundur ndalesën e hyrjes.
Në raste ekstreme, megjithatë, Qeveria federale zvicerane mund të privojë një terrorist zviceran jashtë shtetit për të drejtat e tij të shtetësisë, informon Albinfo.ch. Aktualisht janë rreth pesë procedura të tilla.
Përveç 78 ndalesave hyrëse për xhihadistët, Fedpol imponoi edhe 28 ndalesa të tjera të hyrjes, gjatë vitit të kaluar, informon Albinfo.ch. Arsyet ishin ekstremizmi i dhunshëm – të tilla si neonazistët apo huliganët, spiunazhi dhe krimi i organizuar. Ndalesa mund të vendoset për disa ditë deri në një kohë të pacaktuar.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor