Lajme

Zvicra ndihmon Pejën me 362 mijë euro

Vlera e përgjithshme e 12 projekteve të bashkëfinancuara është rreth 670 mijë euro. Prej këtyre, 362 mijë euro janë donacion zviceran, ndërsa pjesa tjetër do të plotësohet nga Komuna e Pejës

Qeveria e Zvicrës, nëpërmjet programeve të saja, do të ndihmoj Komunën e Pejës me 362 mijë euro, të cilat janë orientuar në infrastrukturë dhe do të zbatohen në 12 projekte të ndryshme. Ky donacion do të implementohet në kuadër të programit “Demos” nga organizatës zvicerane HELVETAS – Swiss Intercooperation.

Marrëveshjen me organizatën Demos e ka nënshkruar kryetari i Komunës së Pejës, Gazmend Muhaxheri. Kjo ndihmë helvetike do të bashkëfinancohet nga komuna e Pejës. Të gjitha projektet janë orientuar në ndërtimin e hapësirave publike me gjelbërim, kubëzim dhe ndriçim, shkruan sot “Koha”.

Vlera e përgjithshme e 12 projekteve të bashkëfinancuara është rreth 670 mijë euro. Prej këtyre mjeteve 362 mijë euro do të jenë donacion i organizatës zvicerane derisa pjesa tjetër do të plotësohet me mjete të buxhetit komunal.