Zvicra nuk dëbon spanjollin e dënuar për vjedhje

Një shofer spanjoll nuk do të dëbohet nga Zvicra pavarësisht se është dënuar për pjesëmarrjen e tij në një grabitje.

Vendimi nga gjykata më e lartë e Zvicrës përcakton një precedent për të ashtuquajturat ‘raste të vështira’ kur vendoset se cilët kriminelë të huaj duhet të deportohen.

Më 1 janar 2017, një ligj i ri zviceran hyri në fuqi. Ai u lejon gjykatave të deportojnë të huajt që banojnë në Zvicër në vendin e tyre të origjinës për një sërë veprash, duke përfshirë vrasjen, dëmtime të rënda trupore, sulme seksuale ose krim të rëndë kundër pronës, përcjell albinfo.ch

Një dispozitë e ligjit i udhëzon gjyqtarët të marrin në konsideratë nëse një deportim do të ishte një masë joproporcionale në rastet individuale. Ku mund të marrë parasysh se ku ka lindur krimineli, sa kohë ka jetuar në Zvicër, nëse ka fëmijë në vend dhe nëse ka probleme specifike në zhvendosjen në vendin e tyre të origjinës.

Të enjten, Gjykata Supreme e Zvicrës vendosi që spanjolli duhet të lejohet të qëndrojë në Zvicër pavarësisht se është shpallur fajtor për bashkëpunëtor i një grabitje dhe përdorim të armëve të zjarrit dhe të narkotikëve.

Në këtë rast burri ka lindur dhe rritur në kantonin Valais, ka dy fëmijë në Zvicër, është financiarisht i pavarur dhe nuk ka familje ose kontakte të ngushta në Spanjë.

Rreth një e katërta e popullsisë zvicerane – më shumë se 2 milionë njerëz – kanë vetëm pasaporta të huaja, një përqindje që po rritet. Rreth 300,000 nga ky grup u lindën dhe u rritën në Zvicër pa u bërë ndonjëherë shtetas të shtetit alpine.