Zvicra paguan tunizianët që kthehen vullnetarisht

Të rriturve që kthehen vullnetarisht, u paguhen nga 1000 franga, ndërsa fëmijëve nga 500 franga

Zvicra ka filluar zbatimin e programit për motivimin e azilkërkuesve nga Tunizia për kthim në vendin e tyre. Programi parasheh që parimisht secilit person të moshës së rritur që vendos të kthehet vullnetarisht, t`i paguhen nga 1000 franga, ndërsa secilit fëmijë nga 500 franga. Këto të dhëna i ka publikuar të duelën gazeta “SonntagsZeitung”.

Duke e konfirmuar atë që ka thënë gazeta në fjalë, Michael Glauser nga Enti Federal për Migracion (BFM) shton se, përveç parave të gatshme, azilkërkuesit që vendosin të lëshojnë Zvicrën mund të përfitojnë edhe mbështetje financiare për projektet që do t`i realizonin në Tunizi. Kështu, nëse ndonjëri prej tyre ka vendosur që atje të hapë ndonjë biznes, do të marrë nga shteti i Zvicrës deri 4000 franga. Kjo vlen për azilkërkuesit që janë nën kompetencën e Zvicrës. Ndërkaq, ata, për të cilët përgjegjësinë e mban një shtet tjetër nënshkrues i marrëveshjes së Dublinit, për projekte të njëjta do të marrin nga deri në 3000 franga.

Po ashtu ekziston edhe mundësia e bërjes së projekteve të përbashkëta, për të cilat do të paguhen deri në 15 mijë franga.

Të gjitha ndihmat e përmendura vlejnë vetëm për ata azilkërkues tunizianë, procedura e të cilëve është due rrjedhur ose që nuk ka filluar edne fare. Ndërkaq, nuk do të përfitojnë ata të cilëve u është refuzuar statusi ose të tillë që kanë kryer vepra penale.