Maqedonia
Maqedonia e Veriut, vend shembull për fqinjësi të mirë
Kryetari i Kuvendit të Maqedonisë Veriore, Talat Xhaferi dhe një delegacion i deputetëve po qëndrojnë për një vizitë zyrtare në Zvicër. Me këtë rast Xhaferi është takuar me kryetaren e Këshillit Kombëtar Zviceran, Marina Carobbio, njofton Ambasada Zvicerane në Maqedoninë e Veriut.
Carobbio ka përgëzuar Parlamentin e Maqedonisë Veriore për ratifikimin e Marrëveshjes së Prespës, si një kontribut për marrëdhëniet e mira fqinjësore (mes shteteve), përcjell albinfo.ch.
Talat Xhaferi po ashtu është takuar me sekretaren e përgjithshme të MPJ të Zvicrës, Marti Lang. Sipas një njoftimi në faqen e Xhaferit, gjatë këtij takimi Marti Lang drejtoi urime për arritjen e Marrëveshjes me Greqinë dhe shprehu shpresë se ky përfitim historik do të merret parasysh nga ana e BE-së dhe se Republikës së Maqedonisë së Veriut do t’i caktohet data për fillimin e negociatave. Sipas saj, Republika e Maqedonisë së Veriut për momentin është vend shembull për marrëdhënie me fqinjët për zgjidhjen e situatave të vështira dhe se është në rrugë të drejtë për hapjen e negociatave në qershor të vitit 2019.
Xhaferi theksoi se kjo vizitë e tregon interesin e përbashkët për përparim të mëtutjeshëm të marrëdhënieve dhe thellimin e bashkëpunimit.
“Kryetari Xhaferi shprehu kënaqësi që marrëdhëniet politike ndërmjet dy shteteve karakterizohen me miqësi dhe mirëkuptim dhe dialog të hapur në nivelin më të lartë. Ai e përshëndeti projektin “Programi për mbështetjen e Parlamentit”, për të cilin u nënshkrua Memorandum ndërmjet Agjencisë Zvicerane për Zhvillim dhe Bashkëpunim, të përfaqësuar nga Ambasada e Zvicrës dhe Kuvendin e Republikës së Maqedonisë së Veriut. Ky projekt ka për qëllim të sigurojë funksionim më efikas dhe më inkluziv të Kuvendit, respektivisht, përforcim të përgjithshëm institucional, përparim të funksionit të tij ligjvënës dhe mbikëqyrës dhe mundësim të qasjes përkatëse në punën e Kuvendit të Republikës së Maqedonisë së Veriut për qytetarët, për organizatat civile, sidomos për grupet e margjinalizuara, nëpërmjet transparencës dhe llogaridhënies së përforcuar”, thuhet tutje në njoftim.
Gjatë kësaj vizite, Xhaferi ishte i shoqëruar nga deputetët Xhevat Ademi, Mira Stojçevska dhe Pavlinçe Çestojnova.
Të ngjashme
Të tjera nga Maqedonia
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?