Lajme
Zvicra po “fundoset” në dëborë – kaos i madh në trafik
Edhe 50 deri 110 centimetra borë e freskët pritet në pjesë të shpateve veriore të Alpeve dhe 20 deri në 40 centimetra në pjesët e rrafshta, lindore të Zvicrës
Dimri dhe bora kanë futur Zvicrën në “kthetrat” e veta. Një numër ortekësh janë regjistruar të enjten, por njerëzit dhe ndërtesat kësaj radhe shpëtuan pa dëme.
Matjet e fundit janë nga mëngjesi i kësaj të enjteje. Trashësia totale e borës në St. Gallen ishte 18 centimetra, në Einsiedeln 22 centimetra dhe në Chur 40 centimetra. Në Arosa ka tashmë 1.35 metra dëborë.
Sasia e madhe e borës së freskët ka ndërprerë trafikun në rrugë të shumta. Disa vende nuk mund të arrihen më me automjete ose tren, raportojnë mediat zvicerane.
Edhe në qytete, transporti publik u përball me kufizime të ashpra në mbrëmje. Në Cyrih, autobusët nuk kanë mundur të lëvizin më në lartësinë prej më shumë se 450 metrash mbi nivelin e detit, transmeton albinfo.ch.
Shumë tramvajë dhe autobusë urbanë u vonuan ose u anuluan plotësisht.
Dhe ky është vetëm fillimi: Përveç kësaj që ka rënë sot, edhe 50 deri 110 centimetra borë e freskët pritet në pjesë të shpateve veriore të Alpeve dhe 20 deri në 40 centimetra në pjesët e rrafshta, lindore të Zvicrës.
Në male ka pasur reshje të mëdha bore natën e së enjtes. Në Arosa GR, për shembull, 65 centimetra dëborë të freskët janë shtuar që nga e mërkura, shkruan Meteonews në Twitter. Dhe ka vazhduar të binte borë me të madhe.
Në Arosa vetëm tri në 40 vitet e fundit ka pasur më shumë borë të freskët, raporton Meteoschweiz në Twitter.
Të ngjashme
Të tjera nga Lajme
E-Diaspora
-
Shkolla shqipe në SHBA, me qindra nxënës shqiptarë Shkolla Shqipe e fundjavës themeluar në janar 2009 nga një grup mësuesësh e vullnetarësh, pranë qendrës...
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së