Lajme
Zvicra premton 68 milionë CHF për agjencinë e OKB-së për refugjatët
Fondet e vendosura nga qeveria mbulojnë kontributin e Zvicrës në Komisionerin e Lartë të OKB-së për Refugjatët (UNHCR) për 2023-2024, përcjell albinfo.ch.
68 milionë CHF vijnë si përgjigje ndaj “fluksit të paprecedentë të njerëzve të detyruar të braktisin shtëpitë e tyre për shkak të konfliktit të armatosur”, shkroi ekzekutivi të mërkurën.
Ai tha se UNHCR-ja ndihmon për të ofruar “kushte të dinjitetshme strehimi dhe ndihmë mjekësore për ata që detyrohen të ikin, si dhe qasje në arsim për fëmijët e tyre”.
Agjencia e OKB-së është një partner kyç në zbatimin e politikës së jashtme zvicerane, shtoi qeveria.
UNHCR me bazë në Gjenevë tha në tetor të vitit të kaluar se 103 milionë njerëz në mbarë botën u zhvendosën me forcë, me pothuajse tri të katërtat e tyre që vijnë nga vetëm pesë vende: Siria, Venezuela, Ukraina, Afganistani dhe Sudani i Jugut.
Shifra prej 100 milionë për të zhvendosurit me forcë u arrit për herë të parë majin e kaluar, shkroi UNHCR në atë kohë.
Zvicra ka dhënë viza humanitare për rreth 74,000 ukrainas që nga fillimi i luftës vitin e kaluar, përcjell tutje albinfo.ch.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit