Zvicra “u përqëndrua shumë në ndalimin e migrimit”

KEYSTONE

Ndihma e Zvicrës për zhvillim duhet të përqendrohet më shumë në nevojat e vendeve partnere dhe më pak në ndalimin e migrimit, thotë Organizata për Bashkëpunim dhe Zhvillim Ekonomik (OECD), përcjell albinfo.ch.

Në përgjithësi, Zvicra ishte një “partner i fuqishëm zhvillimi” dhe e bëri zërin e saj të dëgjuar ndërkombëtarisht mbi çështje të tilla, si uji, ndryshimet klimatike dhe shëndeti, tha OECD të premten në rishikimin e vet të bashkëpunimit për Zvicrën, i cili ndërmerret çdo pesë vjet

Bashkëpunimi zhvillimor është një instrument i politikave ndërkombëtare ekonomike dhe të jashtme të Zvicrës dhe duhet t’u shërbejë interesave kombëtare, si dhe sfidave zhvillimore, vuri në dukje organizata, përcjell albinfo.ch.

Por programi ishte nën “presion“ për të kufizuar migrimin e parregullt në Zvicër, me disa diskutime mbi dhënien e mbështetjes me kusht që vendet partnere të përshtatin politikat e tyre të migracionit”, përcjell albinfo.ch.

“Një program që fokusohet në parandalimin e migrimit në Zvicër në kurriz të mbështetjes së prioriteteve të vendeve partnere për zhvillim afatgjatë, mund të çojë në rrezik reputacionin e Zvicrës: neutraliteti i njohur i vendit mund të jetë në rrezik, duke ulur ndikimin e saj në politikën globale”, tha organizata.