Kosova
Afër 1 milion të huaj marrin një pasaportë të BE-së: Shqiptarët, në vendin e dytë
Në vendin e dytë të kësaj liste, pas marokenëve, janë shtetasit e Shqipërisë, me 67.000 të natyralizuar në ndonjërin nga vendet e BE-së. 54% të shtetasve të përmendur shqiptarë kanë marrë një pasaportë italiane ndërsa 42.3 % pasaportë greke
Gjatë vitit 2016 rreth 995 mijë persona, shtetas të huaj ose njerëz pa shtetësi, kanë fituar pasaportën e ndonjrëit nga shtetet e Bashkimit Evropian. Ky numër është më i madh se ai i një viti më parë (2015) kur nënshtetësinë e shteteve të përmendura e kishin fituar 841 mijë veta, shkruan presseportal.de, duke iu referuar Agjencisë Evropiane të Statistikave Eurostat. Ndërsa në vitin 2014 kishin qenë 889 mijë të tillë.
Nga numri i përmendur, 12 për qind janë shtetas të ndonjërit nga shtetet tjera anëtare të BE-së ndërsa sigurisht shumica dërmuese janë shtetas të vendeve të treta ose njerëz pa shtetësi.
Kështu, në vendin e parë për pajisje me një pasaportë të BE-së janë shtetasit e Marokut. 101.300 persona nga ky shtet gjatë vitit 2016 janë bërë qytetarë të BE-së. Është interesante se në vendin e dytë të kësaj liste janë shtetasit e Shqipërisë, me 67.000 të natyralizuar në ndonjërin nga vendet e BE-së, transmeton albinfo.ch. 54% të shtetasve të përmendur shqiptarë kanë marrë një pasaportë italiane ndërsa 42.3 % pasaportë greke.
Pas tyre vijnë shtetasit e Indisë (41.700), ata të Pakistanit (32.900), të Turqisë (35.000) etj. Ndërsa ndër shtetasit e vendeve të BE-së që kanë fituar edhe nënshtetesinë e një vendi tjetër po të BE-së, më së shumti ka rumunë (29.700) dhe polakë (19.800).
Ndërsa shtetasit e Kosovës në këtë drejtim janë nga fundi i listës, me gjithsej 9.500 të natyralizuar, përcjell albinfo.ch. Ndryshojnë po ashtu edhe shtetet ku ata janë natyralizuar: 41.6% në Gjermani, 37.7 % në Itali dhe 7.5″% në Suedi.
Numri i të huajve që gjatë vitit 2016 kanë fituar nënshtetësinë gjermane ka qenë 112.843. Më së shumti ndër ta ka pasur shtetas të Turqisë (14.4%), të Polonisë (5.9%) dhe të Rusisë (4.3%).
Shikuar sipas përkatësive të mëhershme shtetërore, rritjen më të madhe në krahasim me një vit më parë e kanë arritur shtetasit britanikë. Kështu, nëse në vitin 2015 ishin gjithsej 2478 britanikë që kishin fituar një pasaportë të ndonjë vendi të BE-së, në vitin 2016 ky numër u rrit për më shumë se dyfish, (165%) duke arritur në 6555.
Krahasuar me numrin e të huajve që tashmë jetonin në shtetet ku është bërë natyralizimi, përqindjen më të madhe të të natyralizuarve e ka Kroacia. Atje pasaportën kroate e kanë fituar 9.7 në 100 të huaj, përcjell albinfo.ch. Pas Kroacisë vjen Suedia me 7.9, Portugalia me 6.5 etj. ndërsa në Gjermani ky përpjestim është 1.3 në 100 të huaj. Akoma më e ulët është përqindja në Austri dhe në Letoni, gjithsej 0,68 në 100, që përbën shifrën më të ulët në gjithë BE-në.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?