Kultura
Artistë dhe sportistë shqiptarë, më 3 shtator, në Vatikan
Figura eminente nga skena shqiptare e artit dhe sportit do të performojnë në koncertin “Himni i Nënë Terezës”, i cili do të mbahet më 3 shtator në Vatikan. Artistët shqiptarë me famë botërore, si: Rita Ora, Inva Mula, Ermonela Jaho, Shkëlzen Doli, Zajmir Pirgu, Ramë Lahaj e Gëzim Mushketa, do të paraqiten me pika muzikore, kurse kapiteni i kombëtares shqiptare në futboll, Lorik Cana, do ta recitoj poezinë e Nënës Terezë “Dua të kthehem në Shqipëri”. Në këtë ceremoni, ndërkaq, do të marrë pjesë edhe xhudistja kosovare, Majlinda Kelmendi, si dhe dy aktorët e rinj nga Prishtina, Lum Veseli dhe Andi Bajgora.
Producentja nga Prishtina, Diana Toska, e cila në bashkëpunim me Ipeshkvinë e Kosovës dhe Filarmoninë dhe Operën e Kosovës po punon në organizmin e këtij koncerti, ka thënë se pjesëmarrja e këtyre artistëve në koncertin kushtuar Nënë Terezës do ta nderojë jo vetëm veprën e Nënë Terezës, por edhe mbarë kombin shqiptar.
“Këta solistë, të cilët janë nderi i kombit tonë, kanë pranuar të vijnë dhe ta japin kontributin e tyre pa honorar. I kam kontaktuar qysh në fund të marsit dhe fillim të prillit dhe qysh nga atëherë janë të gatshëm që më 3 shator të jenë me ne”, ka thënë Toska.
Dy javë më parë Qeveria e Kosovës, me një vendim të veçantë, i ka ndarë 300 mijë euro për aktivitetet lidhur me kanonizimin dhe shpalljen e shenjtërisë së Nënës Terezë.
Ndryshe, Papa Françesku ka firmosur dekretin e shenjtërimit të Nënë Terezës dhe ceremonia e shenjtërimit do të mbahet në bazilikën e Shën Pjetrit. Sipas këtij vendimi, Nënë Tereza do të jetë shenjtëri ditën e diel, më 4 shtator të vitit 2016 dhe do të jetë eventi kryesor i Vitit Jubilar të Mëshirës në Vatikan. Data 4 shtator do të shënohet në Kalendarin Apostolik si Dita e Shenjtores shqiptare Nënë Tereza e Kalkutës.
Info rreth ngjarjes
- Data e fillimit03 Shtator 2016
- Ora12:00
- LokacioniVatikan
- Data e përfundimit3 Gusht 2016 - 12:00
E-Diaspora
-
Osmani: Shqiptarët e Amerikës, ura më e fuqishme e aleancës Kosovë-SHBA Në kuadër të qëndrimit të saj në Teksas të SHBA-së, presidentja e Kosovës, Vjosa Osmani, ka...
-
Besa Kokëdhima ndez skenën e Eurovision-it në Malmo të Suedisë
-
Klesta Krasniqi zgjedhet këshilltare komunale në Lausanne
-
Shuma që shpenzoi mërgimtari për shtatoren e Skënderbeut në Gjakovë
-
Integrimi: Hapi i parë, si ta thyejmë izolimin
Jeta në Zvicër
-
Nemo performoi për Zvicrën në Eurovision 25-vjeçari zviceran Nemo performoi në skenën e Eurovisionit në Malmo të Suedisë, duke përfaqësuar Zvicrën me...
-
A mund të bëhen gratë pjesë e Gardës Zvicerane?
-
Fushata kundër ligjit për energjinë elektrike: Dhurohen 180,000 franga në mënyrë anonime
-
Rezervime të vështira dhe përpikëri të pasigurt, treni i natës nuk përmbush pritshmëritë
-
A do të vizitohet Zvicra nga “Shenjtorët e Akullit” këtë vit?