Gruaja
Artistja Makfire Kryeziu po krijon emër në Austri
Makfire Osmani – Kryeziu ka pesë vite që jeton dhe krijon në Austri. Veprimtaria e saj shtrihet në fusha të ndryshme të artit si në pikturë, skulpturë dhe mozaik. Punimet e saj artistike janë duke u pëlqyer nga publiku austriak
Krijimtarinë e saj si piktore e ka filluar në Prishtinë, Kosovë dhe po e vazhdon edhe në Austri. “Magi” siç e njohin të gjithë Makfire Osmanin-Kryeziun, ka mbaruar Akademinë e Arteve në Prishtinë, në degën e skulpturës. Gjatë disa viteve në Kosovë ajo ka qenë pjesë e shumë ekspozitave në vend dhe jashtë tij. Që nga viti 2012 Magi jeton në Klagenfurt të Austrisë. Edhe në Austri, ajo ka mbajtur disa ekspozita personale dhe ka marrë pjesë edhe në ekspozita të tjera, kolektive.
“Kur erdha në Austri, fillimisht kisha një prezantim në Universitetin e Klagenfurtit si artiste nga Kosova, mandej ka qenë ekspozita ime e parë në mesin e dy artistëve të tjerë, ku jam paraqitur me njëzet punime”, theksoi ajo për “albinfo.ch”.
Veprimtaria e saj artistike shtrihet në pikturë, skulpturë dhe mozaik. I pëlqen të eksperimentojë e të provojë veten në shumë fusha. Stili në të cilin punon ajo po ashtu është i kombinuar abstrakt modern. “Më pëlqen të trajtoj tema sociale nga përditshmëria jonë. Kam provuar të punoj vepra me gjësende që janë për t’u hedhur (mbeturina), me ç`rast kam realizuar një mozaik me gjëra të recikluara. Ky mozaik më është vlerësuar jashtë mase nga publiku dhe njohësit e artit”, ka thënë ajo.
Punimet e artistes nga Kosova janë mjaft të kërkuara nga publiku austriak, ndonëse ajo deri më tash ka qenë më shumë e koncentruar në krijimin e veprave se sa në shitjen e tyre.
Projektet e Magit për të ardhmen janë që të punojë edhe më shumë duke trajtuar tema dhe probleme të ndryshme të përditshmërisë me mjetet e saj artistike.
Biografi e shkurtë:
- Emri e mbiemriMakfire Osmani-Kryeziu
- Prejardhja:Prishtinë
- Vendi ku vepron:Austri
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane