Maqedonia
Breshëri armësh në Reçicë të Vogël, vritet një person dhe plagosen dy të tjerë
Reçica e vogël është tronditur mbrëmjen e sotshme, ku nga një breshëri armësh ka ndërruar jetë një person, ndërsa dy të tjerë janë plagosur, njëri në rrezik për jetën. I ndjeri mësohet të jetë Naip Rexhepi, ndërsa të plagosur janë S.R. dhe F.M., ky i fundit, për shkak të plagëve serioze, është dërguar menjëherë në Klinikën e Shkupit dhe mësohet të jetë në gjendje të rëndë shëndetësore. Të tre viktimat janë nga Kumanova.
Ngjarja është konfirmuar edhe nga policia maqedonase, pavarësisht se nuk përmendi emra.
“Sipas informatave që tani për tani i posedon Sektori për Punë të Brendshme Tetovë, rreth orës 18 e 20 min pasdite, në rrugën 167 në Tetovë ka ndodhur dhe është paraqitur incident me plagë të gjuajtjes. Personat e lënduar janë dërguar në spitalin klinik të Tetovës, ku u ofrohet ndihmë mjekësore,” tha zëdhënësi i policisë Marjan Josifoski.
Arrestohen dy persona, reagon BDI
Pas ngjarjes së rëndë janë arrestuar dy persona, njëri nga Kumanova dhe një nga Shqipëria, B.R dhe L.B, për shkak të ekzistimit të dyshimit se janë të involvuar në incidentin e sotëm. Policia dhe prokuroria kryejnë ekspertizën.
Ngjarja ka ndodhur pranë selisë së Bashkimit Demokratik për Integrim dhe shumë zëra kumtuan se incidenti ka lidhje me partinë në pushtet. Por një gjë e tillë është mohuar kategorikisht nga partia më e madhe shqiptare.
“Ne si subjekt politik nuk kemi dhe nuk mund të kemi përgjegjësi për incidentet eventuale që nuk kanë të bëjnë me Bashkimin Demokratik për Integrim dhe për Bashkimin Demokratik për Integrim.” thuhet në kumtesën e partisë së Ali Ahmetit.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën