Integrimi
Ëndrra e “italianit” shqiptar, përfundon në Aeroportin e Munihut
Kur njëri nga policët filloi të fliste italisht me të, ai reagoi shpejt me refleks duke dhënë përgjigjen e duhur në gjuhën shqipe
«Pasaporta italiane nuk të bën italian». Nga kjo maksimë janë nisur policët federalë në Aeroportin e Munihut kur kanë vendosur ta verifikojnë edhe njëherë personin që kishte treguar këtë pasaportë, shkruan idowa.de.
Dhe që në hapin e parë kanë zbuluar se “italiani” ishte në të vërtet një shtetas 20 vjeçar i Shqipërisë, përcjell albinfo.ch. Policët thonë se ai ka bërë dy gabime fillestarësh: së pari, ka nënçmuar italishten e policëve dhe së dyti, pamja e tij nuk dukej shumë “italiane”.
Në fakt, kur njëri nga policët filloi të fliste italisht me të, ai reagoi shpejt me refleks duke dhënë përgjigjen e duhur në gjuhën shqipe, transmeton albinfo.ch. Kështu, policët pas një hulumtimi të shkurtë erdhën në përfundimin se pasaporta italiane ishte e vjedhur dhe e falsifikuar me identitetin e një italiani.
Përveç pasaportës, shqiptari i ri e kishte të falsifikuar edhe patentshoferin dhe një kartelë sigurimi shëndetësor, të gjitha italiane. Ai ishte nisur të shkonte drejt Londrës ku i ishte premtuar një jetë më e mirë.
Sidoqoftë, rruga për në Londër mori fund për shqiptarin në Munih. Këtu është bërë një kallëzim penal ndaj tij për falsifikim dokumentesh mirëpo ai, pas marrëveshjes me zyrtarët e entit për të huaj në Erding do të dëbohet për në Shqipëri që sot.
E-Diaspora
-
“Dardania” nga Winterthuri shkëlqen në festivalin “Hasi Jehon 2024” Nata e tretë ishte radha e SHKA “Dardania”, edhe atë e fundit...
-
Kaq mërgimtarë u regjistruan deri më 9 maj
-
Ambasada e Kosovës në Austri u bën thirrje mërgimtarëve që të regjistrohen
-
Heidi Heiz: Ndërtuese e urave në arsim – Nga asistentja, në menaxhimin e shkollës
-
“FjalaFest”, festivali i letërsisë shqipe në Milano
Jeta në Zvicër
-
Procedura 24 orëshe – 40 për qind më pak kërkesa për azil Kërkesat për azil nga shtetet e Magrebit dhe Libia ranë me rreth 40 për qind në...
-
Zvicër: Azilkërkuesit e mitur sulmojnë njëri-tjetrin me thika
-
Gjeneva do të votojë për ndalimin e simboleve të urrejtjes
-
Edhe 56-vjeçarët duan t’i bashkohen policisë së qytetit të Cyrihut
-
Pensioni i 13-të i AHV mund të paguhet përnjëherë në fund të vitit