E-Diaspora

I vrari në Konstancë, nga Peja, me vendbanim në Shaffhausen

Djaloshi i vrarë të premten mbrëma në një lokal Shisha Bar në Konstancë të Gjermanisë është me oirigjinë nga Peja ndërsa ka jetuar me familjen në Schaffhaussen të Zvicrës.

Shokët e të vrarit që nuk deshën të identifikohen, kanë thënë për albinfo.ch se S.S., ka qenë një djalë i qetë që nuk është i njohur për probleme në mesin e shokëve. Ai ishte në përfundim të zanatit në MOBAU në Schaffhausen, ndërmarrje për shitjen e materialit ndërtimor.

Fqinjët janë tronditur kur kanë dëgjuar për rastin. Një fqinj i familjes Sadikaj në Shaffhausen  tha për albinfo.ch se janë tmerruar kur kanë dëgjuar për 19 vjeçarin, i cili ishte i njohur si i urtë dhe shumë i sjellshëm me të tjerët.

Policia gjermane deri tash ka ndaluar katër persona që vihen në lidhje me vrasjen. Në mesin e tyre është edhe siriani O.H., për të cilin të njohurit e viktimës janë të sigurt se është personi që e ka bërë vrasjen.

19 vjeçari i vrarë në Konstancë është shqiptar nga Zvicra

E Hënë, 13 Mars 2017 – 0:07albinfo.ch

Mbrëmjen e të premtes, para një lokali Shisa Bar në qytetin Konstancë të Gjermanisë, në kufi me Zvicrën është vrarë me thikë një kosovar i moshës 19 vjeçare nga Zvicra, shkruan blick.ch. I riu  Sony S. (emri i shifruar) nga Shafhauseni i Zvicrës së bashku me mikeshën e tij dhe të njohur të tjerë përfshihet rreth mesnatës jashtë lokalit në një zënkë me disa persona, transmeton albinfo.ch.

Nuk dihet saktësisht motivi ndërsa një kushëri i të ndjerit ka thënë për gazetën blick se ka qenë fjala për një ngatërrim me fund tragjik. Sipas tij, dorasit ishin duke kërkuar një person tjetër. Por një shok tjetër i 19 vjeçarit thotë se konflikti kishte lindur në lidhje me një vend parkimi.

Por, Drejtoria Policore e Konstancës ende nuk shprehet lidhur me motivin. Ajo që është e qartë është se Sony S. pasi është goditur me thikë përpiqet të ikë, madje hip në veturën e tij BMW por pastaj, i plagosur rëndë shkon dhe përplaset në lokalin para të cilit ishte zhvilluar ngjarja tragjike. Por plagosja e tij kishte qenë shumë e rëndë. Ai bdes në spital.

Policia deri tash ka ndaluar katër persona që vihen në lidhje me vrasjen, përcjell albinfo.ch. Në mesin e tyre është edhe siriani Omar H., për të cilin të njohurit e viktimës janë të sigurt se është personi që e ka goditur me thikë kosovarin. Por policia nuk e pohon e as mohon këtë. Një zëdhënës i saj ka thënë se një komision special prej 50 personash po punon lidhur me rastin.

Një kushëri i të vrarit ka thënë për gazetën se Sony S., ka qenë një djalë i qetë që nuk ka kërkuar sherr madje i ka ikur konflikteve. Ai është i pafjalë.

 

 

KUJDES ! TEKSTI YNË I KOPJUAR DO TË DENONCOHET DHE RAPORTOHET. PËRPOS NËSE...

Ju keni të drejtë ta riprodhoni tekstin tonë, por me kusht që ta citoni burimin e albinfo.ch dhe kur ta publikoni shkrimin, ta integroni linkun e artikullit siç vijon: http://www.albinfo.ch/i-vrari-ne-konstance-nga-peja-me-vendbanim-ne-shaffhausen/

Në të kundërtën, ne do të raportojmë pranë Facebook për shkelje të të drejtës autoriale, gjë që sanksionohet nga Facebook dhe mund të ketë pasoja të rënda për faqen tuaj Facebook. Ju faleminderit për vëmendjen si dhe bashkëpunimin. Redaksia e albinfo.ch.