AUTOTECH

Instagrami tani njofton kur dikush ua fotografon storiet

Nëse rregullisht i keni fotografuar Storiet e miqve në Instagram, përditësimi i fundit i rrjetit social mund të ju mërzisë.

Rrjeti social tani i njofton njerëzit kur ju keni fotografuar storiet e tyre përmes ekranit të telefonit tuaj.

Fillimisht, Instagrami ka nisur t’i njoftojë njerëzit që kanë bërë ‘screenshot’ se një mesazh për këtë fotografi do t’i shkojë përdoruesit të fotografuar.

“Herën e ardhshme që bëni fotografi të tillë ose incizim të ekranit, personi që ka postuar storien  do të njoftohet”, thuhet në sqarimin e Instagramit.

Postuesi i stories do të shohë ata që i kanë bërë fotografi përmes një simboli afër emrit në listën e shikuesve, transmeton Albinfo.ch.

Gjithsesi, ekziston një mundësi për t’i ikur kësaj. E lëshoni telefoni në modulin airplane dhe ju mund të fotografoni storiet e tjetërkujt pa e ditur ata fare.