Futboll
Jetmir Krasniqi flet për sezonin me Luganon, ftesën e Kosovës dhe të ardhmen
Mbrojtësi Jetmir Krasniqi flet për albinfo.ch për sezonin e fundit që kishte, ftesën që i erdhi nga Kosova, ndeshjen debutuese me Shqipërinë, dhe të ardhmen e tij
Njëri ndër mbrojtësit që premton shumë për të ardhmen është Jetmir Krasniqi. Ai është ftuar edhe nga Kosova, derisa në sezonin e fundit luajti për Luganon në Superligën e Zvicrës.
Krasniqi flet për albinfo.ch për sezonin e fundit me Luganon. “Ka qenë një sezon i mirë, edhe pse nga fundi nuk kemi të sigurt nëse do të mbijetojmë. Megjithatë, si përvoja e parë ka qenë shumë e mirë”, është shprehur 23-vjeçari.
Krasniqi flet edhe për të ardhmen e tij. “Shpresoj se do të luaj sa më shumë për Luganon dhe të shohim më pas çfarë do të ndodhë”, shton tutje mbrojtësi për albinfo.ch.
Pas paraqitjeve shumë të mira me Luganon në Superligën e Zvicrës, ai mori ftesë për të luajtur për Kosovën. “Ftesën e kam prit me shumë gëzim dhe për mu ka qenë si një ëndërr. Kam qenë gati për këtë ftesë”, nënvizoi 23-vjeçari.
Madje, ndeshja e parë ishte miqësorja kundër Shqipërisë, ku ai hyri në pjesën e dytë. “Ka qenë ndeshje me shumë emocione, sepse ishte debutimi im, dhe është ndjenjë e fortë të luash për vendin tënd. Isha shumë i lumtur që po luaja për Kosovën dhe shpresoj se edhe në të ardhmen do të jap ndihmën time”, theksoi tutje ai.
Kosova nga muaji shtator do të garojë në Ligën e Kombeve, ku do të ndeshet me Azerbajxhanin, Ishujt Faroe dhe Maltën. “Unë besoj se me këtë ekip të Kosovës, kemi shumë shanse për t’u kualifikuar në rrethin e ardhshëm. E kemi një ekip me shumë cilësi dhe të ardhme të ndritur”, përfundoi Jetmir Krasniqi.
Jetmir Krasniqi ka lindur në Klinë dhe më pas gjatë luftës në Kosovë, me familje emigruan në Zvicër, ku edhe tani jetojnë. Ai ka luajtur për Lausannen, Le Mont, Chiasso dhe tani në Lugano. Gjithashtu ka luajtur edhe për Zvicrën U-20 dhe U-21, derisa tani është pjesë e Përfaqësueses së Kosovës.
Të ngjashme
Të tjera nga Futboll
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
Mërgimtari humb jetën në vendin e punës, në Maltë
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën