Lajme
Kosovë, laserët rrezikojnë aeroplanët
Ndriçimi me dritë laserike në drejtim të aeroplanëve e rrezikon sigurinë e pasagjerëve dhe, sipas organeve të rendit është vepër penale. Apelohet të mos përdorën laserët
Gjatë muajit gusht janë vërejtur disa personalë kanë shytëzuar për argëtim ose dhe për qëllime të tjera, dritat laserike nga toka në drejtim të aeroplanëve e helikopterëve duke rrezikuar jetën e pasagjerëve dhe pilorëve. Apelohet që kjo mos të ndodhë në të ardhmen sepse është vepër penale dhe ndiqet me ligj.
Ky reagim ka ardhur sot (e hënë) nga Autoriteti i Aviacionit Civil (CAA) në Kosovë, i cili nëpërmjet një komunikate ua tërheq vërejtjen të gjithë atyre që duke ua drejtuar dritat laserike fluturakeve (aeroplanëve e helikopterëve) në hapësirën ajrore të Kosovë.
“Gjatë muajit gusht të këtij viti ka pasur shtim të rasteve kur persona të papërgjegjshëm drejtojnë dritën laser nga toka në drejtim të aeroplanëve dhe helikopterëve në fluturim në hapësirën ajrore të Republikës së Kosovës. Ju informojmë se veprimet e tilla janë të kundërligjshme dhe njëherit paraqesin rrezik të drejtpërdrejtë për sigurinë e fluturimit”, thuhet në reagim.
Ndriçimi me rreze laser i kabinës së pilotëve të aeroplanëve dhe helikopterëve, kur fluturaket ndodhen në lartësi të ulët, sipas komunikatës së CAA-së, mund të shkaktojë verbim të përkohshëm të pilotëve dhe si rrjedhojë mund ta rrezikojë sigurinë e fluturimit.
“Veprimet e tilla, nga kushdo qofshin ato, konsiderohen si rrezikim i operimeve të aviacionit civil dhe janë të dënueshme sipas Kodit Penal të Republikës së Kosovës”.
Policia e Kosovës, Autoriteti i Aviacionit Civil (CAA) dhe ANP “Adem Jashari” – Kontrolli Ajror kanë zhvilluar një procedurë, e cila mundëson reagimin e policisë brenda pak minutash në vendin e identifikuar të burimit të rrezes laser që i është drejtuar një aeroplani.
“Të gjithë personat e identifikuar si përdorues dhe drejtues të laserëve ndriçues drejt aeroplanëve dhe helikopterëve në fluturim do të përballen me procedurat ligjore të sanksionuara në bazë të Kodit Penal të Republikës së Kosovës”, thuhet në komunikatën lëshuar nga CCA.
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritrea Një komitet i Këshillit Kombëtar miratoi një mocion të premten duke kërkuar që Zvicra të nënshkruajë...
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën
-
Zvicër: Më 2024 priten më shumë zjarre për shkak të ngrohjes globale