Fun
Melbourni, përsëri më i miri
Cilësia e jetës është në rënie në qytetet evropiane për shkak të luftërave, pakos së kursimeve dhe sulmeve terroriste, sipas raportit vjetor të lëshuar nga agjencia britanike The Economist Intelligence Unit (EIU), së bashku me listën e 140 qyteteve.
“Kërcënimet ndaj sigurisë personale, krimi e trazirat kanë ndikuar në cilësinë e jetës”, thotë John Kopstejk, një nga pjesëmarrësit në studim, duke përmendur luftën në Ukrainë, sulmet terroriste në Paris dhe masa të ashpra shtrënguese në Greqi dhe në vende të tjera të eurozonës.
Kështu, kryeqyteti i Ukrainës, Kiev, ka përjetuar rënien më të madhe në këtë renditje në krahasim me vitin 2014 dhe gjeti vendin e 132-të në botë. Edhe pse Kiev është relativisht larg nga zona e konfliktit të Ukrainës në lindje, pasojat janë marrë parasysh nga trazirat e vitit të kaluar dhe gjendja e dobët ekonomike në vend.
Kryeqyteti i Francës, megjithatë, ka rënë nga vendi i 20-të në vendin e 29 –të, si pasojë e sulemeve terroriste në javën e parë të këtij viti në redaksinë e revistës satirike “Charlie Hebdo”.
Kryeqyteti francez gjithashtu jeton me kërcënimin e vazhdueshëm të sulmeve terroriste.
Për të pestin vit me radhë jeta më e mirë është vlerësuar në metropolin australian, Melburn. I dyti vjen kryeqyteti austriak, Vjena, dhe i treti është qyteti kanadez Vancouver.
Në vlerësimin e cilësisë së jetës studiuesit kanë hulumtuar disa aspekte të tilla si stabiliteti shoqëror dhe politik, niveli i krimeve, disponueshmëria e shërbimeve cilësore mjekësore, jeta kulturore, mjedisi, arsimi dhe infrastruktura.
Renditja tjetër figuron kështu: “New York (vendi 55), Londra (53), Paris (29) , Tokio (vendi 15), janë kryeqytetet me norma të krimit në rritje dhe problemet në trafikun publik “, sipas EIU.
Në fund të listës është Damasku, kryeqyteti i Sirisë, ku më shumë se katër vjet mbretëron lufta.
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?