Lajme
Pacolli e dërgon “Grandin” në arbitrazh ndërkombëtar
Para disa vitesh, bashkë me disa biznesmenë të tjerë, Pacolli e kishte privatizuar hotelin “Grand”, mirëpo ky proces nuk kishte shkuar deri në fund. Kjo pasi, sipas Pacollit, atij i është kërkuar haraç për ta përmbyllur privatizimin e këtij hoteli
Kryetari i AKR-së dhe njëherësh pronar i kompanisë së fuqishme Mabetex-Mabco Construction, Bexhet Pacolli, e ka dërguar në arbitrazh ndërkombëtar kontekstin gjyqësor të hotelit “Grand” të Prishtinës. Pacolli pretendon se drejtësia kosovare nuk ka qenë e sinqertë lidhur me procesin e privatizimit të hotelit më të madh në Prishtinë, prandaj ai ka zgjedhur arbitrazhin ndërkombëtar për t’ia njohur të drejtën për, siç pretendon ai, pronën mbi hotelin “Grand”.
Para disa vitesh, bashkë me disa biznesmenë të tjerë, Pacolli e kishte privatizuar hotelin “Grand”, mirëpo ky proces nuk kishte shkuar deri në fund. Kjo pasi, sipas Pacollit, atij i është kërkuar haraç për ta përmbyllur privatizimin e këtij hoteli.
“Jam koshient se ka shumë thashetheme dhe mite por e vërteta është kjo dhe do të vërtetohet edhe në Uashington: Në këtë rast një palë është e dëmtuar që ka paguar mjetet ndërsa nga gjykatësit dhe grupet e korruptuara mafioze është e privuar nga e drejta e vet”, ka shkruar në faqen e tij në Facebook Pacolli, pasi ka bërë të ditur se kontekstin e hotelit “Grand” e ka dërguar në arbitrazh.
“Ndërmarrja e grupit Mabetex-Mabco Construction, në verën e 2007, duke mos pasur asnjë rrugëzgjidhje dhe as akses në ambientet e Grandit, hapi proces gjyqësor në Gjykatën themelore në Prishtinë, ku e mori verdiktin e drejtë të kësaj Gjykata, që t’i kthehet e drejta e pronësisë kësaj kompanie dhe të fillojnë punët. Por, grupet e lartpërmendura u ankuan në apel, dhe një gjykatës shumë mirë i njohur me emër dhe mbiemër, në mënyrë të pakuptueshme, duke mos përfillur asgjë, e kthen lëndën në shkallën e parë për rigjykim”, ka shkruar më tej Pacolli.
Ndryshe, Bexhet Pacolli vite më parë kishte deklaruar se lidhur me këtë çështje ai kishte pasur një konflikt verbal me ish-ministrin e Kulturës dhe ish-zyrtarin e lartë të LDK-së, Astrit Haraqinë, i cili, sipas Pacollit i kishte kërkuar haraç në mënyrë që ta mbyllte çështjen e hotelit “Grand”.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore