Kosova

Pacolli: Mos u mashtroni me Bitcoin

Ai ka këshilluar që të mos merren me Bitcoin, pasi që, sipas tij, monedhat virtuale nuk zgjasin suksesshëm

Zëvendëskryeministri i Kosovës, Behgjet Pacolli pasi ka promovuar librin e tij “15 parimet e suksesit sipas Behgjet Pacollit” në ambientin e Kolegjit AAB, duke folur para studentëve, ndër të tjera ka dhënë edhe vlerësimet e tij për monedhën virtuale Bitcoin, përcjell albinfo.ch.

Ai ka këshilluar që të mos merren me Bitcoin, pasi që, sipas tij, monedhat virtuale nuk zgjasin suksesshëm.

“Mos lakmoni në Bitcoin. Është valutë virtuale që funksionon në ujdhesa, por në momentin që dalin prej atij sistemi dhe fillon të merret paraja e gatshme që është investuar, aty piramida fillon të bjerë”, ka thënë ndër të tjera Pacolli.

Për Bitcoin pothuajse çdo ditë ka reagime, të ndarë në dy kampe të ndryshme, me disa që janë pro, dhe disa kundër.