Bota
Politikani i CDU-së mbështet refugjatët dhe rebelohet ndaj partisë së tij
“Nëse bashkimi familjar dështon për shkak të CDU-së, kjo do të mbetet si një plagë në shpirtin e partisë e cila do të lëshojë qelb një kohë të gjatë. Kjodo të ishte turpëruese për fytyrën e CDU-së”.
Ish ministri për çështje sociale nga partia CDU, politikani shumë popullor gejrman Nobert Blüm ka një problem me partinë e tij. Ai i ka bër apel CDU-së që gjatë zhvillimit të negociatave për ndërtimin e koalicionit qeveritar, “urgjentisht” të mbështesë lejimin e bashkimit familjar për refugjatët.
“Është në kundërshtim me mësimet bazë të filozofisë sociale të krishterë kundërshtimi i bashkimit familjar, pavarësisht nga numri i refugjatëve”, ka thënë Blum në një intervistë që i ka dhënë F.A.S (botimi i së dielës i gazetës Frankfurter Allgemeine Zeitung). Martesa dhe familja lidhen për gjithë jetën, bashkëshorti dhe bashkëshortja i takojnë njëri tjetrit së bashku dhe fëmijët duhet të jenë me prindërit e tyre, transmeton albinfo.ch. Ky rregull vlen gjithkund dhe gjithmonë, pavarësisht nga përkatësia shtetërore, religjioni dhe numri i personave të prekur. Ndalimi i bashkimit familjar është i ngjashëm me një shkurozim të detyruar nga shteti”, ka thënë ai.
Me këtë reagim, politikani i CDU-së rebelohet kundër partisë së tij, e cila është duke kundërshtuar kërkesat që Partia e Gjelbër i bën në negociatat për koalicion qeveritar. E këto kërkesa janë po ato që i bën Blum i CDU-së, pra lidhen me lejimin e bashkimit familjar të refugjatëve.
“Nëse bashkimi familjar dështon për shkak të CDU-së, kjo do të mbetet si një plagë në shpirtin e partisë e cila do të lëshojë qelb një kohë të gjatë. Kjo do të ishte turpëruese për fytyrën e CDU-së”, përcjell albinfo.ch. Prandaj ai u apelon negociuesve nga partia e tij: “Tërhiqeni frerin e emergjencës, dhe ndaloni tradhtinë e ideve tona më të mira. A duhet që tash filozofia sociale e krishterë të vihet në shitje? Kjo nuk do të ishte e denjë për Unionin Demokristian”.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën