Zhvillim
“Protektoratet e harruara: Kosova dhe Bosnja, katastrofë pas katastrofe”
Në Bosnjë dhe në Kosovë janë derdhur ndihmat më të mëdha për kokë banori që bashkësia ndërkombëtare ka dhënë ndonjëherë në botë, thonë autorët e dokumentarit në TV Arte. Po ku kanë mbetur këto të holla? Autorët kanë vizituar vendet e përmendura dhe kudo kanë hasur në dështime
Televizioni gjermanofrancez Arte ka dhënë sonte dokumentarin me titullin “Protektoratet e harruara të Evropës. Këtu jepet një pasqyrë e zymtë e situatës në Bosnjë dhe në Kosovë 20 gjegjësisht 17 vjet pas luftërave në këto vende.
Në Bosnjë dhe në Kosovë janë derdhur ndihmat më të mëdha për kokë banori që bashkësia ndërkombëtare ka dhënë ndonjëherë në botë, transmeton albinfo.ch. Por ku kanë mbetur këto të holla? Autorët kanë vizituar vendet e përmendura dhe kudo kanë hasur në dështime.
“Qytete që digjen, minare të rrënuara, kisha të shkrumbuara: kështu dukej Jugosllavia e shkatërruar në vitet `90 të shekullit të kaluar. Lufta e nxehtë mu në mes të euforisë së përfundimit të luftës së ftohtë. Që atëherë, me mijëra ekspertë të paguar mirë nga perëndimi ia kanë mësyrë në produktet e dala nga rënia e shtetit të përmendur për të ndihmuar shtetet e reja, demokratike për të qëndruar në këmbë. Miliarda euro të tatimpaguesve perëndimorë janë derdhur para së gjithash në “Protektoratet e harruara të Evropës”.
Autorët kanë intervistuar zyrtarë të lartë të BE-së, diplomatë, studentë, punëtorë e të papunë. Ajo që shihet në fakt është një djerrinë sociale dhe ekonomike, një katastrofë pas një katastrofe, përcjell albinfo.ch. Mbrapa zhgënjimit fshihet mllefi në rritje: Ku mbetën paratë? Kush ka përfituar nga ato, rreth 1. 2 miliard euro janë investuar vetëm në një autostradë prej gjithsej 80 kilometrash në Kosovë. Fabrikat janë të heshtura, njerëzit luftojnë për ekzistencë, ekspertët si mjekët nga shtetet e varfra në të cilat privatizimi i dhunshëm ka sjellë dhe ka ndjellë korrupsionin, edhe mediat i janë nënshtruar strukturave mafioze.
Më tutje dokumentari fokusohet edhe në përhapjen e fundamentalizmit islamik në të dy vendet e reja ballkanike, transmeton albinfo.ch. Në disa shkolla në Bosnjë madje mësimi ka filluar të zhvillohet ndaras, në njërin ndërrim myslimanët, në tjetrin katolikët (kroatët). Dhe kjo gjendje tolerohet nga paradhënësit e verbër për të parë realitetin”.
Në emision, për situatën në Kosovë flet Albin Kurti, Andrea Capusela (ish funksionar i lartë ndërkombëtar në Kosovë) si dhe kryeredaktorët e gazetave Koha Ditore dhe Zëri, Agron Bajtrami dhe Arbana Xharra.
Të gjithë ata drejtojnë gishtin e akuzës nga elitat e korruptuara politike vendore por edhe nga ndërkombëtarët të cilët e tolerojnë këtë korrupsion, si çmim për stabilitetin. E në disa raste edhe ata akuzohen për pjesëmarrje në korrupsion.
Pasuritë e vendit janë kryesisht në duart e ish luftëtarëve të UÇK-së, të cilët si heronj të luftës shikohen si të paprekshëm dhe i trajtojnë këto pasuri të vendit si prona të tyre private, thuhet veç tjerash në dokumentarin e realizuar nga Arte.
Videoja ku mund të shikoni dokumentarin:
Të tjera nga Zhvillim
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën