Kosova
Shtypi zviceran për varrimin e familjes pesanëtarëshe
Vdekja pas një aksidenti të familjes pesë anëtarëshe nga Kosova por që jetonin në Zvicer, ka mallëngjyer edhe shtypin zviceran.
Në një aksident në Kosovë, një familje që jetonte në Aargau është shuar paditen e së dielës. Në funeralin e së martës, mijëra njerëz iu dhanë lamtumirën e fundit.
Në një pasdite të së dielës së hershme, një familje pesanëtarëshe është shuar gjatë një aksidenti të komunikacionit në Kosovën Jugperëndimore, shkruan e përditshmja zvicerane “20 Minuten”. Babai JS (32), bashkëshortja e tij AS (26), djali ES (6) dhe vajza ES (3), si dhe gjyshja e tyre HS (56) janë përplasur më veturën e tyre të huazuar në relacionin Duhël-Suharekë, me një autobus që po vinte përballë.
Të vdekurit kanë qenë shtetas kosovarë me vendbanim në Reinach AG. Para 29 vitesh, në të njëjtin vend ishte aksidentuar për vdekje edhe babai i vozitësit.
Pasditen e së martës, është zhvilluar varrimi i kufomave në Sopi, vendlindja e J.S. Gjithashtu, Ylli V. (29), vëllai i nënës A.S., ka marrë pjesë në të. “Kishte disa mijëra njerëz,” thotë ai. “Prita shumë njerëz, por jo aq shumë. Ishte madhështore.”
Ylli gjendjen e përshkruan si shumë emocionale, me ç` rast ishin derdhur shumë lot. “Disa të afërm janë alivanosur. Një i afërm i ngushtë i babait është dërguar në spital me ambulancë. “Në të njëjtën kohë, gjatë varrimit ka mbretëruar një qetësi e madhe dhe pikëllim i madh. “Të gjithë ishin të goditur rëndë”, vazhdon Ylli V., transmeton Albinfo.ch.
Përveç kësaj, në varrimin e të ndjerëve mori pjesë edhe kryetari i Komunës së Suharekës, Bali Muharremaj, i cili mbajti edhe një elogji. “Ndër të tjera, ai paralajmëroi për rrugën e rrezikshme, në të cilën gjithnjë po shkaktohen aksidente”, thotë më tej Ylli V. Në varrim është dashur të jetë i pranishëm edhe Hashim Thaçi, kryetari i Republikës së Kosovës. “Për fat të keq ai kishte obligime”, pohon Ylli V..
Edhe tre ditë pas aksidentit fatal, Ylli V. ende nuk e ka kuptuar se çfarë ka ndodhur në të vërtetë. “Është e pakuptueshme për mua se çfarë ka ndodhur atje. Ndjehem tërësisht i tronditur”.
Të ngjashme
Të tjera nga Kosova
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?