Shkurt.ch
Statusi “F” të zëvendësohet me një tjetër, që ofron perspektivë më të mirë
EKM parapëlqen opsionin e dytë që konsiston në krijimin e një statusi të ri. Por ky status duhet ta precizojë në mënyrë të qartë kohën e zgjatjes së “përkohshmërisë”, për shembull, për gjashtë vite
Komisioni Federal për Migracion (EKM) thekson rëndësinë që ka vënia në fuqi e një statusi të ri si përgjigje ndaj masave të pamjaftueshme plotësuese të statusit të qëndrimit të përkohshëm (viza F). Nisur nga kjo, EKM përshëndet synimin e Këshillit Federal për të prezantuar alternativën që do të zëvendësonte statusin F.
Raporti i Këshillit Federal “Pranimi i përkohshëm dhe nevoja për mbrojtje: analiza dhe opsionet e veprimit”, prezanton tre variante. EKM parapëlqen opsionin e dytë që konsiston në krijimin e një statusi të ri. Por ky status duhet ta precizojë në mënyrë të qartë kohën e zgjatjes së “përkohshmërisë”, thuhet në komunikatën e komisionit të përmendur.
Nisur nga studimi që Roger Zetter e ka bërë me porosi të EKM-së me temën “Mbrojtja”, komisioni ka propozuar në vitin 2014 heqjen e masave plotësuese të statusit F dhe zëvendësimin e tyre me krijimin e një statusi të ri “komplementar të azilit”, transmeton albinfo.ch. Studimi tregon se numri i njerëzve që janë dëbuar nga vendi i tyre por që nuk i plotësojnë kriteret për të qenë refugjatë në kuptimin e Konventës së Gjenevës është rritur shumë viteve të fundit. Shumica e madhe e atyre që kanë fituar statusin e qëndrimit të përkohshëm mbeten gjatë në Zvicër. Në të njëjtën kohë, shumë hulumtime tregojnë se ky status e vështirëson me të madhe integrimin në tregun e punës. Për të plotësuar më mirë nevojat për mbrojtje të kësaj kategorie dhe për të lehtësuar integrimin e tyre, kërkohet një alternativë e cila i heq pengesat e deritashme dhe synon që personave të prekur t`ua hapë një perspektivë.
EKM mbështet opsionin e dytë të veprimit që konsiston në krijimin e një statusi të ri të azilit (p.sh. statusi A) edhe nëse ky propozim përmirësimi i bërë nga qeveria nuk e mbulon konceptin e EKM-së për “statusin komplementar të mbrojtjes”. Varianti i dytë përmban në vete një status pozitiv të mbrojtjes, pa bërë kufizim në qarkun e të adresuarve, siç bëhet në opsionin e parë. Por ky opsion veprimi duhet patjetër të kufizohet në kohë, për shembull për gjashtë vite, në mënyrë që personat e prekur të kenë mundësi të planifikojnë të ardhmen e tyre. Në të kundërtën, ekziston rreziku që pasiguria të bartet në gjenerata të familjeve të kësaj kategorie. Veç kësaj, personat nga ky grup duhet të barazohen në politikën për integrim me grupin e refugjatëve të pranuar.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën