Jeta në Zvicër
Winterthur: Në tryezë me shoqatat islame
Gjashtë shoqata islame nga Winterthuri janë bërë bashkë në një tryezë të rrumbullakët.
Nami i qytetit Winterthur të kantonit të Cyrihut si «bastion i islamizmit ekstrem» vazhdon të brengosë jo vetëm besimtarët myslimanë në këtë qytet por edhe politikën. Siç është shkruar tashmë, nga Winterthuri janë rekrutuar dhe kanë shkuar si luftëtarë në «Luftën e shenjtë» së paku shtatë persona, në mesin e të cilëve tre shqiptarë.
Një gjendje e tillë ka shtyrë politikanin shqiptar të SP-së nga ky qytet, Blerim Bunjakun që në koordinim me bashkëpartiakë të tij të marrë nismën për themelimin e shoqatës «Fair Winti». Ajo ka për synim të distancojë besimtarët myslimanë nga rreziku i përgjithësimeve dhe paragjykimeve mbi myslimanët, që e ka shkaktuar keqpërdorimi i këtij besimi nga ekstremistët.
Gazeta “Landbote” e Winterthurit e ka përcjellë aktivitetet rreth themelimit të kësaj shoqate dhe së fundi ka raportuar gjerësisht edhe nga mbledhja e saj e parë që është mbajtur të enjten, përcjell albinfo.ch.
Autoritetet lokale të Winterthurit nuk ishin të pranishëm në tryezën e shoqatave islame.
Në këtë takim të inicuar nga Bunjaku shtë biseduar mbi bashkëpunimin e mangët dhe janë propozuar kurset e gjuhës gjermane dhe edukimi i mëtejshëm për imamët, objektet më të mira për takime, mungesa e parkimit në xhami, punë për të rinjtë, mbështetje financiare, pjesëmarrja e përbashkët në Albanifest.
“Ne nuk jemi një fe e njohur. Ky është problemi themelor “, ankohet njëri nga pjesëmarrësit.
” Pse kur ndodh diçka në Paris, duhet të kuptojnë njerëzit se një në dhjetë në Winterthur është një mysliman.Hassan nuk është e njëjtë si Hans. Zonja Merkel, thotë Islami i përket Gjermanisë. Në Zvicër, askush nuk thotë se “taksat e Kishës janë një problem.” , thotë ai.
Gjatë është diskutuar edhe për parandalimin e Xhihadit në mesin e të rinjve në Winterthur. Një ide që doli nga ky debat, janë mësimet në gjuhën gjermane për të rinjtë në xhami të ndryshme.
Eshtë thënë se duhet të raportohet për rastet të personave për të cilët dyshohet për radikalizim të tyre në zyra të raportimit të brendshëm.
Markus Klinkner nga VIOZ thotë të jetë e gabuar të ndalohen në xhami të rinjtë me një tendencë për radikalizitm . Pikërisht në xhami mund të bisedoni me ta, për të hedhur poshtë informacionet e rreme, transmeton albinfo.ch. “Kjo tashmë ishte menaxhuar me sukses në një xhami Winterthur“, thotë ai.
Nga ky takim vjen propozimi për krijimin e një grupi të vogël pune për të ndjekur projektet e inicuara në këtë takim.
„Mbështesin iniciativën për krijimin e një rrjeti më të mirë në Winterthur “, thotë Klinkner. Ky ishte takimi i parë që kishte organizuar „Fair Winti“ në Winterthur.
Të tjera nga Jeta në Zvicër
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Zvicra duhet të forcojë kontrollin e sektorit të saj financiar, paralajmëron FMN FMN-ja i kërkoi Zvicrës të enjten të forcojë rregulloren e sektorit financiar pasi mbikëqyrja e UBS...
-
Trafiku i dendur edhe sot, bllokohen autostradat zvicerane
-
‘Vallja kosovare’ jehon në Universitetin e Gjenevës (Video)
-
Në aeroportin e Bazelit anulohet fluturimi për në Prishtinë, mërgimtarët ankohen
-
Iniciativat zvicerane synojnë t’i japin fund diskriminimit të çifteve të martuara