Konsullata e Kosovës në Cyrih nuk do të jetë e hapur për palë më 5 qershor

© Konsullata e Kosovës Cyrih

Konsullata e Republikës së Kosovës në Cyrih ka njoftuar se të premten, më 5 qershor 2026, nuk do të ofrojë shërbime të rregullta për qytetarët për shkak të angazhimeve që lidhen me organizimin e Zgjedhjeve të Parakohshme për Kuvendin e Republikës së Kosovës.

Sipas njoftimit zyrtar, gjatë kësaj dite Konsullata do të jetë e mbyllur për pranimin e palëve dhe ofrimin e shërbimeve të zakonshme konsullore.

Megjithatë, qytetarët do të kenë mundësi të tërheqin dokumentet e tyre personale, përfshirë pasaportat, letërnjoftimet dhe dokumente të tjera që tashmë kanë arritur në Konsullatë.

Përfaqësuesit e Konsullatës kanë falënderuar bashkatdhetarët për mirëkuptimin dhe bashkëpunimin e tyre.