Shkurt.ch
Zvicra angazhohet për parandalimin e konflikteve dhe për të drejtat e grave e të fëmijëve
Zvicra angazhohet prej një kohe të gjatë kundër çdo forme diskriminimi e dhune ndaj grave dhe vajzave. Kështu, ajo është edhe bashkautore e tekstit të rezolutës për luftimin e martesave të detyruara, atyre të fëmijëve etj.
Këshilli i OKB-së për të drejta e njeriut ka përfunduar sot në Gjenevë sesionin e tij trijavësh të qershorit. Zvicra, në përvjetorin e parë të sesionit të mbajtur më 13 qershor 2016 në Gjenevë dhe në Nju Jork, ka përkujtuar apelin mbi domosdonë që parandalimi i konflikteve në sistemin e OKB-së duhet të forcohet duke vendosur inkuadruar më shumë të drejtat e njeriut në këtë sistem. Këtë apel e kishte bërë atëbotë Zvicra dhe ai është pranuar tashmë nga 71 shtete anëtare të OKB-së nga të gjitha regjionet e botës, thuhet në një komunikatë për shtyp të EDA-s (Ministria e Jashtme)
Këshilli për të drejtat e njeriut i OKB-së ka miratuar gjatë punimeve të tij dje dhe sot 40 rezoluta, në mesin e të cilave edhe ato për forcimin e të drejtave të grave dhe të fëmijëve. Zvicra angazhohet prej një kohe të gjatë kundër çdo forme diskriminimi e dhune ndaj grave dhe vajzave, shkruan albinfo.ch. Kështu, ajo është edhe bashkautore e tekstit të rezolutës për luftimin e martesave të detyruara, atyre të fëmijëve dhe në përgjithësi, martesave të hershme. Rezoluta e miratuar sot, fokusohet në parandalimin dhe eliminimin e këtyre praktikave në kontekstin humanitar dhe gëzon mbështetjen mbi regjionale.
Komisari i Lartë i OKB-së për të drejtat e njeriut ka raportuar lidhur me kooperimin e mangët të shteteve anëtare të OKB-së me raportuesit specialë dhe mekanizmat tjerë të Këshillit për të Drejtat e Njeriut dhe zyrën e tij. Zvicra ndan brengosjen e Komisarit të Lartë dhe e konsideron bashkëpunimin e kërkuar nga ai si thelbësor për funksionimin e sistemit të të drejtave të njeriut në kuadrin e OKB-së, transmeton albinfo.ch. Kështu, Zvicra edhe në përmbylljen e sesionit të qershorit ka mbështetur një numër të mirë të përtëritjes së mandateve. Zvicra, nga ana e saj është e gatshme që të presë të gjithë ekspertët e pavarur të Këshillit të të Drejtave të Njeriut që shprehin dëshirën për të ardhur në Zvicër.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën