1 muaj paraburgim për gruan që dyshohet se vrau burrin me sëpatë në Francë

Sipas një komunikate për medie të pandehurës S.Z-S i është caktuar masa e paraburgimit në kohëzgjatje prej një (1) muaji

Gjykata Themelore në Prishtinë ka aprovuar kërkesën e Prokurorisë Themelore në Prishtinë, për caktimin e masës së paraburgimit kundër të pandehurës S.Z-S. për shkak të dyshimit të bazuar se ka vrarë burrin e saj me sëpatë.

Sipas një komunikate për medie të pandehurës S.Z-S i është caktuar masa e paraburgimit në kohëzgjatje prej një (1) muaji, nga 05.10.2018 deri më 05.11.2018.

“Ekziston dyshimi i bazuar se me datë 21.09.2018, e pandehura S.Z.S në banesën e saj në Francë ku ishte duke jetuar së bashku me bashkëshortin e saj, me dashje e ka privuar nga jeta në mënyrë mizore bashkëshortin e saj A.S duke e goditur me sëpatë në regjionin e kokës, me ç’ rast i njëjti kishte mbetur i vdekur”, thuhet tutje në komunikatë, përcjell albinfo.ch.

Gjykata ka konstatuar se kërkesa për caktimin e masës së paraburgimit kundër të pandehurës S.Z-S është masë adekuate dhe e domosdoshme në këtë fazë të procedurës duke pasur parasysh peshën e rëndë të veprës penale dhe dënimin e paraparë për këtë vepër penale, mënyrën dhe rrethanat në të cilat është kryer vepra penale dhe karakteristikat e saj personale, të cilat tregojnë rrezikun se e pandehura po të gjendet në liri mund të arratiset, pasi që për të njëjtën është lëshuar fletë arrest ndërkombëtar.

Gjykata njofton se pala ka të drejtë ankese kundër këtij vendimi në Gjykatën e Apelit të Kosovës.

---