Shqipëria

10 mijë lekë me himn kombëtar!

Këshillit Mbikëqyrës i Bankës së Shqipërisë në mbledhjen e datës 6 dhjetor 2017 ka miratuar tematikën e kartëmonedhës me kurs ligjor 10 mijë lekë të reja.

Vendimi miratoi tematikën që do të pasqyrohet në kartëmonedhën shqiptare me kurs ligjor me vlerë 10 000 lekë, përcjell albinfo.ch.

Kjo kartëmonedhë do të pasqyrojë figurën e poetit të njohur shqiptar, Asdrenit, kombinuar me simbolet figurative të “Flamurit Kombëtar”, si dhe një varg të zgjedhur nga “Himni Kombëtar”, që njihet edhe si Himni i Flamurit “Rreth flamurit të përbashkuar/me një dëshirë e një qëllim”.

Krahas kësaj, u miratuan tekstet shoqëruese që lidhen me emrin e bankës, vlerën nominale, si dhe u miratuan përmasat e kartëmonedhës.