Jeta në Zvicër
10 shtetet më të lumtura në botë, Zvicra në vendin e gjashtë
Kjo anketë mat nivelin e lumturisë në 156 shtete të ndryshme, duke u bazuar: të ardhurat, liria, besimi, shëndetësia, mbështetja sociale dhe bujaria
Teksa Raporti i Fundit Botëror i Lumturisë është publikuar, lajmet janë shumë të mira për shtete të tilla si Finlanda e cila renditet për të dytin vit radhazi në vend të parë.
Ndërsa situata nuk është aspak pozitive për shtete të tilla si Amerika, e cila jo vetëm për shkak se renditet e 19-ta, por edhe sepse niveli i lumturisë në Amerikë është në rënie.
Vitet që pasuan 2010 nuk kanë qenë aspak të mira sa i takon nivelit të lumturisë dhe të mirëqenies së amerikanëve. Edhe pse ekonomia amerikane u përmirësua pas Recesionit të Madh në vitin 2009, niveli i lumturisë, sidomos tek amerikanët në moshë madhore nuk shënoi aspak rritje, por përkundrazi.
Raporti Botëror i Lumturisë është një anketë e përvitshme që bëhet nga “Sustainable Development Solutions Network” për Kombet e Bashkuara. Kjo anketë mat nivelin e lumturisë në 156 shtete të ndryshme, duke u bazuar: të ardhurat, liria, besimi, shëndetësia, mbështetja sociale dhe bujaria. Pesë vendet që renditen në fillim të listës si vendet me nivelin më të lartë të lumturisë janë: Finlanda, Danimarka, Norvegjia, Islanda dhe Holanda.
Zvicra ndodhet në vendin e gjashtë në këtë renditje.
Përveç renditjes së vendeve me nivelin më të lartë të lumturisë në botë, ky raport renditi edhe ato vende, banorët e të cilëve janë më të palumturit. Këtu mund të përmendim Sudanin Jugor, Republikën Qendrore Afrikane, Afganistanin, Tanzaninë dhe Ruandën.
Mbretëria e Bashkuar renditet në vend të 16 nga 156 shtete të anketuara. Gjermania në vendin e 17-të, Shtetet e Bashkuara të Amerikës në vendin e 19-të, Japonia në vendin e 58-të, Rusia në vendin e 68-të dhe Kina në vendin e 93-të.
10 shtetet më të lumtura
- Finlanda
- Danimarka
- Norvegjia
- Islanda
- Holanda
- Zvicra
- Suedia
- Zelanda e Re
- Kanadaja
- Australia
10 shtetet më të palumtura
- Sudani Jugor
- Republika Qendrore Afrikane
- Afganistani
- Tanzania
- Ruanda
- Jemeni
- Malaui
- Siria
- Botswana
- Haiti
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Gjykata Federale: I moshuari ka të drejtë për ndihma edhe pse ka shpenzuar paratë e veta Zyra e kompensimit i kishte refuzuar kërkesën sepse ai kishte shpenzuar mbi 120,000 franga nga përfitimet...
-
Pse 1 maji nuk është festë publike kudo në Zvicër?
-
Zvicër: Dy trena janë bllokuar në tunelin midis dy stacioneve
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf